کۆپی گرتنی فیفا لە فڕانسی تۆپی پێی، لە ناساندنی باشترین یاریزانانی خانمدا

چاویارنیوز ـــ شەوی ڕابردوو ئاهەنگی باشترینەکانی ساڵی فیفا بەڕێوەچوو و باشترین ئاستەکانیش ناسێنران.

شەوی ڕابردوو ئاهەنگی باشترینەکانی ساڵی 2024ی فیفا بەڕێوەچوو و براوەکانی مەراسیمەکە دیاریکران. لە مەراسیمەکەدا چەندین خەڵات لە بەشی ئافرەتاندا پێشکەش کران کە گرنگترینیان خەڵاتی باشترین یاریزانی ساڵ بوو. براوەی خەڵاتەکان بە تەواوی هاوشێوەی براوەی خەڵاتەکانی تۆپی پێی فڕانس بوون و بە جۆرێک کۆپی ئەو مەراسیمە بوون.

لە بەشی باشترین یاریزانی ئافرەتانی فیفا بۆ ساڵی 2025، ئایتانا بۆنماتی، وەک پێشبینی دەکرا، دیسانەوە دەنگی یەکەمی بەدەستهێنا و هەردوو خەڵاتی تۆپی ئاڵتونی و باشترین یاریزانی ئافرەتانی فیفای ساڵی 2025ی بردەوە. هەروەها یاریزانە ناوەراستەکەی بەرشەلۆنە و هەڵبژاردەی تۆپی پێی ئافرەتانی ئیسپانیا لە دوو ساڵی ڕابردوودا ئەم خەڵاتەیان بەدەستهێنابوو و بۆ سێیەم ساڵ لەسەریەک بوونە باشترین یاریزانی فیفا. لە بەشی ڕاهێنەراندا سارینا ویگمان خەڵاتی باشترین ڕاهێنەری ساڵی فیفای لە سەرووی ڕاهێنەرەکانی ترەوە وەرگرت. ویگمان لەم هاوینەدا سەرکردایەتی ئینگلتەرای کرد بۆ نازناوی یۆرۆی ئافرەتان. هەروەها ویگمان چەند مانگێک لەمەوبەر خەڵاتی باشترین ڕاهێنەری ساڵی لە فڕانسی تۆپی پێ بەدەستهێنا. لە یاری کۆتایی یۆرۆدا ئینگلتەرا لە ئیسپانیا بردەوە.

دیسان هاوشێوەی تۆپی پێی فڕانس، هانا هامپتۆن گۆڵپارێزی ئینگلتەرا خەڵاتی باشترین گۆڵپارێزی فیفای بەدەستهێنا، بەمەش بووە دووەم باشترین یاریزانی ئەمساڵ. خەڵاتی مارتا، یان گۆڵی ئافرەتانی ساڵ، بەخشرایە لیسبێس ئۆی، وەک باشترین خەڵاتی فیفا لە ساڵی 2025دا.

هەروەها باشترین هەڵبژاردەی ساڵی 2025ی فیفا، شەش یاریزانی یانەی بەرشەلۆنە و سێ یاریزانی ئارسناڵ و دوو یاریزانی چێڵسی لەخۆ گرتووە. هەریەکە لە هانا هامپتۆن، پارێدێس، باتڵ، ویلیامسۆن، برۆنز، بۆنماتی، گویخارۆ، پینا، کالدێنتی، ڕوسۆ و پوتیاس هەموویان وەک باشترین هەڵبژاردەکانی فیفا ناسێندران.