چاویارنیوز ـــ گۆڵپارێزی پاریس سانجێرمان لەوانەیە بەم زووانە جانتای سەفەر بەرو ئەستەنبوڵ بپێچێتەوە.
“سولەیمان ڕۆدۆپ” ڕۆژنامەنووسی بەناوبانگ و ناسراوی تورکی لەپەیجی فەرمی خۆی لە تۆڕی کۆمەڵایەتی ئێکس ڕایگەیاندووە؛ دانوستاندنەکانی نێوان یانەی گەڵاتەسەرای ئیستەنبوڵ و پاریس سانجێرمان دەستیپێکردووە بۆ گواستنەوەی “ماتڤی سافۆنۆڤ” گۆڵپارێزی ڕووسی.
بە وتەی رۆدۆپ پەیوەندی لەنێوان هەردوو یانەکەدا دروستکراوە و گفتوگۆش بەردەوامە بۆ تاوتوێکردنی مەرجەکانی ئەم گواستنەوەیە. هەرچەندە هێشتا هیچ وردەکاریەک سەبارەت بە مەرجەکانی ئەم گرێبەستە بڵاو نەکراوەتەوە، بەڵام سەرچاوەکانی نزیک لە هەردوو یانە ئەگەری کۆتاییهێنان بە ئەم گواستنەوەیەیان ڕەت نەکردووەتەوە.
“ماتڤی سافۆنۆڤ” لە تەمووزی 2024 پەیوەندی بە پاریس سانجێرمان کرد و لە ماوەیەکی کورتدا لەگەڵ تیپەکەیدا شانازی گەورەی بەدەستهێنا.
ئەو لەگەڵ ئەم یانە فەرەنسییەدا نازناوی چامپیۆنس لیگ و خولی یانە پاڵەوانەکانی ئەوروپا و جامی نایابی ئەوروپا و جامی نایابی ئینگلتەرای بەدەستهێناوە. سەرەڕای ئەوەش، لەگەڵ تیپەکەی مەدالیای زیوی لە موندیالی یانەکاندا بەدەستهێنا.
No Comment! Be the first one.