چاویارنیوز – لامین یامال دیاردەی لاوی یانەی بەرشەلۆنە لە یارییەکەی بەرامبەر یانەی بروج یەکێک بوو لە یاریزانە درەوشاوەکانی یاریگا، بەڵام سەرەڕای ئاستە بەرچاوی تاکەکەسییەکەی، بەڵام بە ئەنجامی 3-3 و یەکسانبوونی تیپەکەی ڕازی نەبوو.
ناوبراو لە چاوپێکەوتنێکیدا لەگەڵ میدیاکان دوای یارییەکە جەختی لەوە کردەوە کە ئەنجامی یارییەکە بۆ خۆی و هاوڕێکانی نائومێدکەر بووە.
یەمال وتی: ئێمە دەمانزانی یانەی بروج تیپێکی کوالیتی بەرزە، کاتێک سێ گۆڵت لێدەدەن، بردنەوە زۆر قورس دەبێت، دەبێت لەم ڕووەوە پێشبکەوین بۆ ئەوەی لە یارییەکانی داهاتوودا ئەمە دووبارە نەبێتەوە. سەبارەت بە گۆڵە جوانەکەی کە تۆماری کرد، ئاماژەی بەوەشکرد، جوڵەیەکی زۆر خێرا بوو، فیرمین بە پاژنەی پێی تۆپەکەی پێدام و منیش دەرفەتەکەم قۆستەوە، لەگەڵ ئەوەشدا گرنگترین شت سەرکەوتنی تیپەکەیە نەک گۆڵێکی تاکەکەسی.
ئەستێرەی تەمەن 18 ساڵانی بارسێلۆنا هەروەها وەڵامی ئەو بەراوردە زۆرانەی کەوا لەگەڵ لیۆنێل مێسیدا دەکرێت، دایەوە و وتی: ڕێبازی خۆمم هەیە و هەرگیز نامەوێت بەراورد بکرێم بە مێسی، ئەو یاریزانێکی ناوازەیە.
یەمال لە درێژەی قسەکانیدا باسی لە دەنگۆکانی ئەم دواییەی کرد سەبارەت بە باری دەروونی و پێداگری لەسەر ئەوە کرد: بە پێچەوانەی ئەوەی دەوترێت، من بە تەواوی دڵخۆشم ، تەنها سەرنجم لەسەر یارییەکەم و پێشکەوتنەکانمە و چێژ لە بوونم لەم ئاستەدا وەردەگرم.
هەروەها باسی لە کاردانەوەی هاندەران کرد و وتی: کاتێک هاندەران بانگم لێدەکەن، ئەوە نیشانەیە بۆ من کە کارەکەم بە باشی ئەنجام دەدەم، ئەگەر یاریزانێکی بێباک بوومایە، ئەوان بەم شێوەیە کاردانەوەیان نەدەبوو.
No Comment! Be the first one.