900 هەفتە لە نێوان 10 لە باشترین یاریزانانی تێنس؛ ڕیکۆردێکی نوێ بۆ نۆڤاک جۆکۆڤیچ

چاویارنیوز ـــ ئەستێرەی تێنسی جیهان نۆڤاک جۆکۆڤیچ ڕیکۆردێکی نوێی تۆمارکرد بە بەسەربردنی 900 هەفتە لە نێوان 10 لە باشترین یاریزانی جیهاندا.

نۆڤاک جۆکۆڤیچ ئەم هەفتەیە بە تۆمارێکی لەبیرنەکراو دەست پێدەکات کە ڕەنگدانەوەی درێژی تەمەنی ئەفسانەیی ئەو یاریزانەیە
ئەم یاریزانەی تێنسی سربی ئێستا 900 هەفتەی لە نێو 10 لە باشترین یاریزانانی تێنسی پڕۆفشناڵ بەسەربردووە و بووە سێیەم یاریزان لە مێژوودا ئەم سەرکەوتنە بەدەست بهێنێت.
فێدرێر بە 968 هەفتە و ناداڵ بە 912 هەفتە لە پلەی یەکەم و دووەمی ریزبەندی ئەو یاریزانانەن کە کاتیان بەسەر بردووە لە ڕیزی 10 باشترین یاریزانی جیهاندا.
جۆکۆڤیچ کە 24 نازناوی گراند سلامی بەدەستهێناوە، لە ویمبلدۆن و بەرانبەر بە “جانیک سینەر” دۆڕا و نەگەیشتە یاری کۆتایی.