چاویارنیوز ـــ ئینتەرمیلان نرخی فرۆشتنی “تارێمی” هێرشبەری هەڵبژاردەی ئێران ڕاگەیاند.
مێهدی تارێمی لەم ڕۆژانەدا خوازیاری زۆری دۆزیوەتەوە و بەپێی ڕاپۆرتێکی ماڵپەڕی fcinternews ئیتاڵی، ئینتەرمیلان نرخی 10 ملیۆن یۆرۆی بۆ فرۆشتنی هێرشبەرە ئێرانییەکەی دیاریکردووە.
ئینتەرمیلان یەک ڕیاڵی نەدا بۆ کڕینی تارێمی و دوای یەک وەرز و تێچووی 2 ملیۆن یۆرۆ بۆ مووچەی یاریزانەکە، داوای قازانجێکی 5 هێندەی نرخی فرۆشتنی دەکات.
هێرشبەرە ئێرانییەکە هاوینی ڕابردوو بە گرێبەستێکی دوو ساڵە لە یانەی پۆرتۆوە وەکو یاریزانێکی ئازاد پەیوەندی بە یانەی ئینتەرمیلانەوە کرد.
ئەگەر تارێمی بەم بڕە پارە سەیروسەمەرە بگوازرێتەوە بۆ تیپێکی نوێ، ئەوا بە گرانترین یاریزانی ئێرانی ناودەبرێت لە ماوەی 5 ساڵی ڕابردوودا و لەو کاتەوەی کە “سەردار ئازمون” لە ساڵی 2013 بە بڕی 12 ملیۆن یۆرۆ لە یانەی ڕوبین کازانەوە پەیوەندی بە بایەر لیڤەرکوزنەوە کردووە.
ماڵپەڕە ئیتاڵییەکە بڵاویکردووەتەوە، بریکارێکی تۆپی پێ کە لە تورکیا و سعودیە و قەتەر کاردەکات، لە ئینتەرمیلانەوە پرسیاری لەبارەی دۆخی مێهدی تارێمی کردووە.
بەپێی ڕاپۆرتێکی ماڵپەڕی fcinternews، بەڕێوەبەرانی یانەکانی ئینتەرمیلان ئامادە نین بە خواستن مێهدی تارێمی بگوازنەوە و دەیانەوێت داهاتێکی باش بەدەستبهێنن بە فرۆشتنی هەمیشەیی هێرشبەرە ئێرانییەکە.
No Comment! Be the first one.