ئەستێرەی پۆڵەندی بەرشەلۆنە، ستایشی خوان گارسیا دەکات

چاویارنیوز ـــ ڤۆیچیچ شچێسنی گۆڵپارێزی بەئەزموونی بارسێلۆنا لە چاوپێکەوتنێکدا باسی لە بەهرە و داهاتووی خوان گارسیا گۆڵپارێزی لاو و بەڵێندەری بارسێلۆنا کرد و ستایشی تایبەتی ئاستی یاریزانەکەی کرد.

شچێسنی لە بەشێکی وتارەکەیدا وتی: وەرزی ڕابردوو خوان گارسیام لە یانەی ئیسپانیۆل دۆزیەوە و بەڕاستی سەرسامی کردم، دوای تەنها سێ ڕۆژ لە سەیرکردنی ڕاهێنانەکانی لە بەرشەلۆنە، زانیم دەتوانم ڕۆڵێک بگێڕم لە گەشەپێدانی ئەودا.
بە ئاماژەدان بە توانا بەرزەکانی گارسیا، گۆڵپارێزە پۆڵەندییەکەی بارسێلۆنا زیاتر وتی: خوان گارسیا بەهرەیەکی باوەڕپێنەکراوی هەیە و لە ڕووی دەروونییەوە زۆر سەرنجی لەسەرە، من ناڵێم باشترین گۆڵپارێزی جیهانە لە ئێستادا، بەڵام دڵنیام دەتوانێت بگاتە ئەو پۆستە، ئەگەر بتوانم بە هەموو شێوەیەک یارمەتی بدەم لەسەر گەشەسەندنی، ئەوە دڵخۆشم دەکات.

شچێسنی، یەکێکە لە گۆڵپارێزە بەئەزموونەکانی تۆپی پێی ئەوروپا، جەختی لەوە کردەوە کە بەهرەی گارسیا تێکەڵەیەک لە فۆکەس و ئارامی و بڕیاردانە – ئەو سیفەتانەی کە کەم گۆڵپارێز هەیە لە تەمەنێکی وا بچووکدا ببێتی.
ئەو پێی وایە مەشق و ڕاهێنانە بەردەوامەکان لە بەرشەلۆنە و کارکردن لەگەڵ ڕاهێنەرە ئاست بەرزەکان دەتوانێت یارمەتی خوان گارسیا بدات بۆ ئەوەی بگاتە ئاستێک کە دەتوانرێت بە یەکێک لە باشترین گۆڵپارێزەکانی جیهان ناوببرێت لە داهاتوویەکی زۆر نزیکدا.