چاویارنیوز ـــ مانچستەر یونایتد هەشت ئەوەندەی بەرشەلۆنەی خەرج کردووە بۆ کڕینی هێرشبەرێک، بەڵام لە دوو یاری یەکەمی وەرزی نوێدا تەنانەت یەک گۆڵیشی تۆمار نەکردووە.
بەگوێرەی راپۆرتێکی Transfermarkt ئەمڕۆ سێشەممە، سەرەڕای ئەوەی مانچستەر یونایتد 235 ملیۆن یۆرۆی خەرجکردووە بۆ بەهێزکردنی هێرشبەرەکەی، بەڵام لە دوو یاری یەکەمی خولی ئینگلیزی هیچ گۆڵێکی تۆمارنەکردووە. شەیتانە سوورەکان کە نرخیان887 ملیۆن یۆرۆیە، لە 180 خولەکی یارییەکەدا نەیانتوانیوە هیچ گۆڵێک تۆمار بکەن، تەنیا یەک گۆڵ لەلایەن یاریزانێکی فولهام بووە کە بە دیاری بۆ مانچستەر تۆمارکراوە.
لەژێر سەرپەرشتی ئامۆری، مانچستەر یەکەم یاریی بەرامبەر ئارسناڵ بە ئەنجامی 1-0 دۆڕاند. لە هەفتەی دووەمی پرێمەرلیگدا 1-1 بەرامبەر فولهام یەکسان بوون و لە سەرەتای وەرزدا تەنیا بە یەک خاڵ لە پلەی شازدەهەمدا مایەوە.
ماڵپەڕی Transfermarkt دەڵێت: مانچستەر لەم هاوینەدا گرێبەستی لەگەڵ سێ یاریزان کردووە بۆ بەهێزکردنی هێرشبەری: ماتیوس کونها بە 75 ملیۆن یۆرۆ، برایان مبیۆمۆ بە 75 ملیۆن یۆرۆ و بنجامین شیشکۆ بە 85 ملیۆن یۆرۆ.
خەرجکردنی 235 ملیۆن یۆرۆی مانچستەر بۆ بەهێزکردنی هێرشبەرەکەی سوودی نەبووە، لەکاتێکدا یانەیەکی وەک بەرشەلۆنە لە 2 یاری یەکەمی لالیگادا 6 گۆڵی تۆمارکردووە بە بودجەی تەنیا 30 ملیۆن یۆرۆ لە گواستنەوەی هاوینەدا.
No Comment! Be the first one.