چاویارنیوز ـــ “ئەشرەف حەکیمی” ئەستێرەی موسڵمانی پاریس سانجێرمان سەرجەم سەروەت و سامانەکانی خۆی بەناوی دایکیەوە تۆمار کردووە.
لەم بارەیەوە ئەمڕۆ سێشەممه ماڵپەڕی ئەلعەین له ڕاپۆرتێکدا به ناونیشانی ” خاون متمانەترین کەسی جیهان” ستایشی ئەو یاریزانەی کردووه.
بەگوێرەی ڕۆژنامەی لوپاریزن سەرمایەی “ئەشرەف حەکیمی” بە نزیکەی 500 ملیۆن دۆلار دەخەمڵێنرێت. لە ساڵی 2023، حەکیمی تووشی ناکۆکی لەگەڵ هاوسەرەکەی بوو، لەو ماوەیەدا هاوسەرەکەی داوای نیوەی سەرمایەی ئەو یاریزانەی کرد کە لە ئەوروپا نیشتەجێیە. پاش ماوەیەک دەرکەوت کە ئەستێرەی یانەی پاریس سانجێرمان سەرجەم سەروەت و سامانەکانی بەناوی دایکییەوە تۆمار کردووە.
ماڵپەڕی ئەلعەین دەڵێت کە “ئەشرەف حەکیمی” بە لەبەرچاوگرتنی فێرکارییە ئیسلامییەکان پێگەی دایک دەزانێت. بۆیە دایکی بە متمانەپێکراوترین کەس دەزانێت بۆ پاراستنی سامانەکەی. بەگوێرەی ڕاپۆرتی ئەو میدیا عەرەبییە، حەکیمی هیچ بەڵگەنامەیەکی بەناوی خۆیەوە نییە و تەنانەت بەڵگەنامەکانی ئۆتۆمبێلەکانیشی بەناوی دایکیەوە تۆمار کردووە، چونکە دایک بە پارێزراوترین بانکی جیهان دەزانێت.
No Comment! Be the first one.