چاویارنیوزـــ ماڵپەڕی فەرەنسەیی فرانس فوتبۆڵ دوای کۆتایی هاتنی ئاهەنگی تۆپی ئاڵتونی ٢٠٢٥ ڕایگەیاند کە لەم ماوەیەدا هیچ کێبڕکێیەکی بەردەوام بۆ خەڵاتی تۆپی ئاڵتونی نەبووە و عوسمان دێمبلێ ئەستێرەی فەرەنسی پاریس سانجێرمان بە جیاوازییەکی بەرچاو لە پێشەنگی لیستەکەدا بوو و نازناوی باشترین یاریزانی جیهانی بەدەستهێنا.
بە گوێرەی ڕاپۆرتی ئەم میدیا فەرەنسییە، دێمبلی، بە ئاستە نایابەکانی وەرزی ڕابردوو، چ لەسەر ئاستی یانەکان و چ لە ڕکابەرییە نیشتمانییەکاندا، ئاستێکی هەبوو کە کەلێنێکی بەرچاوی لەگەڵ کاندیدەکانی دیکەدا دروستکرد. ئەو ڕۆڵی سەرەکی بینی لە ڕێگای پاریس سانجێرمان بۆ سەرکەوتن لە خولی فەرەنسا و چامپیۆنزلیگدا، هەروەها یەکێکە لە ئەستێرەکانی هەڵبژاردەی فەرەنسا.
تۆپی پێی فەرەنسا لە ڕاپۆرتەکەیدا جەختی لەوە کردەوە کە دەنگدەرانی سەرتاسەری جیهان بە زۆرینەی دەنگ ناوی دێمبلییان لە پلەی یەکەمدا داناوە و هەر لەبەر ئەم هۆکارەش، براوەی خەڵاتی تۆپی ئاڵتونی زۆر لەمەوبەر دیاری کرابوو. هاوکات یاریزانانی وەک لامین یامال، ئەستێرەی لاوی بەرشەلۆنە و ڕافینیاش لە لیستی کۆتاییدا بوون، بەڵام هیچ کامیان نەیانتوانی مەترسییەکی جددی لەسەر ئەستێرەی پاریس سانجێرمان دروست بکەن.
هەروەها فرانس فوتبۆڵ ڕایگەیاند کە بەم زووانە پشکی تەواو و خشتەی کۆتای دەنگدان بڵاو دەکرێنەوە، لەگەڵ وردەکاریی تەواو لە دەنگەکان و هەڵوێستی کاندیدەکانی دیکە و جیاوازی خاڵەکانی نێوان دێمبێلی و ڕکابەرەکانی.
No Comment! Be the first one.