چاویارنیوز _ بایرن میونشن بە فەرمی دووپاتی کردەوە کە بەندی 50 ملیۆن یۆرۆیی بۆ کڕینی نیکۆلاس جاکسۆن چالاک ناکەن و هێرشبەرە سەنیگالییەکەش پاش کۆتاهاتنی ماوەی قەرزی خۆی دەستبەجێ دەگەڕێتەوە بۆ یانەی چێڵسی.
جاکسۆن کە وەرزی ڕابردوو بە خواستن لە یانەی بایرن میونشندا بووە، سەرەڕای ئاستە نایابەکانی و یارمەتیدانی تیپەکەی بۆ بردنەوەی نازناوی بۆندسلیگا، نەیتوانیوە بەرپرسانی ئەو یانەیە ڕازی بکات بۆ ئەوەی گرێبەستەکەی بکەنە هەمیشەیی.
یانە ئەڵمانییەکە بڕگەی کڕینی 70 ملیۆن پاوەندی بە زۆر بەرز زانی. بەڵام ڤینسێنت کۆمپانی ڕاهێنەری بایرن دڵخۆش بووە بە ئاستی جاکسۆن.
ئێستا دەبێت چێڵسی بڕیار لەسەر داهاتووی هێرشبەرە تەمەن 25 ساڵەکە بدات. سەرچاوەکان باس لەوە دەکەن کە جاکسۆن خۆی بڕیاریداوە لەژێر چاوی چاودێرانی ژابی ئەلۆنسۆ ڕاهێنەری نوێی چێڵسیدا بمێنێتەوە و شەڕ بۆ شوێنی خۆی بکات.
بڕیارە ئەلۆنسۆ لە ماوەی پێش وەرزدا هەڵسەنگاندن بۆ سەرجەم یاریزانانی پێکهاتەکە بکات، لەنێویاندا جاکسۆن. ئەو یاریزانە تا ساڵی 2033 گرێبەستی لەگەڵ یانەی چێڵسی هەیە، لە 81 یاریدا 30 گۆڵی تۆمارکردووە و 12 ئەسیستیشی پێشکەش کردووە.
لەگەڵ بژاردەیەکی دیکە وەک جواو پێدرۆ و لیام دیلاپ لە هێرشبردندا، کێبڕکێ لەسەر جاکسۆن توندتر دەبێت.
No Comment! Be the first one.