چاویارنیوز ـــ کەریم بنزیما، لە چاوپێکەوتنێکدا لەگەڵ ڕۆژنامەی وەرزشی ئاس، هەڵسەنگاندنی بۆ پێشکەوتنی ڤینیسیۆس جونیۆر کرد، ئەو یاریزانەی کە دوای ڕۆیشتن و پێش هاتنی کیلیان ئمباپێ بووە پێشەنگی هێرشبەری یانەی ڕیال مەدرید، بەڵام نەیتوانی هەمان ئاستی درەوشاوەی ڕابردوو دووبارە بکاتەوە.
بنزیما کە لە دوو وەرزی کۆتاییدا لە یاریگای بێرنابیۆ هاوبەشییەکی بەهێزی لەگەڵ ڤینیسیۆس هەبووە، دەڵێت: کوڕێکی نایابە و ناخ و دەروونێکی گەورەی هەیە و هەمیشە دەیەوێت فێربێت، یاریزانێکی سەرسوڕهێنەرە، چونکە زۆر باش یاری دەکات، هەرچەندە دەتوانێت زیاتر پیشان بدات و پێش بکەوێت.
هەروەها لەبارەی کاردانەوەکانی ڤینیسیۆسی ڕوونیشیکردەوە: کاتێک یاریزانی یەدەگ دەبێت و دێتە دەرەوەی یاریگا توڕە دەبێت، ئەوە شتێکی ئاساییە، ڕەنگە نابێ ئەو کارە بکات، بەڵام پێویستە خەڵک بزانن کە بەشێکە لە کارەکتەری خۆی، هەندێک جوڵە لە نێو یاریگا یان دەرەوەی یاریگا ئەنجام دەدات، بەڵام ئەوە هیچ نییە، بە باشی یاری دەکات و پێی وایە دەتوانێت زیاتر لە تۆپەکەدا تێوەگلابێت، کاتێکیش بە یەدەگ دەبێت، دڵتەنگ دەبێت. ئەوە شتێکی ئاساییە.
بنزیما لە درێژەی قسەکانیدا باسی لە چانسی ڤینیسیۆس کرد بۆ بەدەستهێنانی خەڵاتی تۆپی ئاڵتونی: پێموایە ڕۆژێک دێت بتوانێت خەڵاتی تۆپی ئاڵتونی بەدەستبهێنێت، کارێکی قورسە، بەڵام ئەگەری هەیە، ئەو ڕۆژە کاتێک دەبێت کە تێبگات کە تاکە کاری ئەو یاریکردنە لە یاریگادا و هەموو شتێکی دیکە بەجێبهێڵێت.
No Comment! Be the first one.