پێنج زەبەلاحی ئەوروپی بەدوای ئەستێرەی ئینگلیزیدان

چاویارنیوز ـــ بەپێی زانیارییەکان پێنج یانەی چامپیۆنزلیگ ئارەزووی گواستنەوەی مارک گوی دەکەن لە وەرزی زستاندا، کاپتنی یانەی کریستاڵ پاڵاسیش بڕیارە لە سەرەتای مانگی یەکەوە گفتوگۆ لەگەڵ یانەکانی دەرەوەی ئینگلتەرا بکاتەوە بۆ گرێبەستێکی نوێ.

یاریزانە تەمەن 25 ساڵەکە پێشتر بە پاڵاسی ڕاگەیاندووە گرێبەستێکی نوێ واژۆ ناکات، ئەمەش ڕێگەی خۆشکرد بۆ ڕۆیشتنی لە کۆتایی ئەم وەرزەدا، دوای ئەوەی هاوینی ڕابردوو پەیوەندی بە یانەی لیڤەرپوولەوە کرد.

بەگوێرەی ڕۆژنامەی تایمز، کۆمەڵێک یانە زەبەلاحەکانی چامپیۆنزلیگ لەوانە لیڤەرپوول، مانچستەر سیتی، ڕیال مەدرید، بایرن میونشن و بەرشەلۆنە ئارەزووی جددییان بۆ گواستنەوەی ئەو یاریزانە دەربڕیوە. دەوترێت بەرگریکاری ناوەڕاست توڕە بووە لە شێوازی گواستنەوەی بۆ لیڤەرپوول، چونکە لە ڕووی دەروونییەوە خۆی ئامادە کردووە بۆ ئەوەی پەیوەندی بە یانەکەوە بکات. لەو کاتەوە ئاستەکانی تەنها بەهای بازاڕی زیاد کردووە. زنجیرەیەک نمایشی سەرنجڕاکێش بۆ یانەکە و وڵاتەکەی، جێگەی خۆی وەک یەکێک لە بەرگریکارە متمانەپێکراوەکانی ئینگلتەرا بەهێزتر کردووە پێش مۆندیالی ساڵی داهاتوو.

لیڤەرپوول بەردەوامە لە بینینی گوی وەک جێگرەوەیەکی ئایدیاڵ بۆ ڤێرجیل ڤان دایک کە وەرزی داهاتوو دەبێتە 35 ساڵی. بە لەبەرچاوگرتنی کۆتایی هاتنی گرێبەستەکەی ئیبراهیما کۆناتێ لە هاوینی داهاتوودا و هەڕوەها پێکانی بەردەوامی جۆ گۆمێز، پێویستی لیڤەرپوول ڕۆژ لە دوای دۆژ ڕوو لە زیادبوون دەکات.

هەروەها سیتی وەک ڕکابەری جدی هاتۆتە ناو پێشبڕکێکە؛ دەوترێت پیپ گواردیۆلا سەرسام بووە بە وەڵامدانەوەی پیشەگەرانەی گێی بۆ داڕمانی گواستنەوەی بۆ لیڤەرپوول. سەرەڕای قووڵایی هێڵی بەرگری ناوەڕاست، بەڵام نیگەرانی لەبارەی ئایندەی درێژخایەنی جۆن ستۆنز و ڕوبێن دیاز هەیە. ستۆنز کە ئێستا تەمەنی 31 ساڵە، تا ئێستاش تووشی پێکان دەبێت، دیازیش نیشانەکانی دابەزینی بەخۆیەوە بینیوە. ئەگەر پەیوەندی بە سیتیەوە بکات، گوی دەتوانێت دەستبەجێ ڕکابەری لەسەر جێگەیەک بکات لە پێکهاتەی سەرەکیدا.

هاوکات یانە ئیسپانییەکە و بایرن میونشنیش گوی بە بژاردەیەکی گونجاو دەزانن بۆ بەهێزکردنی هێڵی بەرگری.