چاویارنیوز _ کریستیانۆ ڕۆناڵدۆ بە فەرمی شەشەمین مۆندیالی خۆی دەستپێکرد بە چوونە ناو یاریگا لە یارییەکەی پورتوگال بەرامبەر کۆماری کۆنگۆی دیموکرات، بۆ ئەوەی لەگەڵ “گیلەرمۆ ئۆچوا” و “لیۆنێل مێسی” ببنە سێ یاریزانێک کە لە شەش خولی ئەم پاڵەوانێتییەدا بەشدارییان کردووە.
ڕێبازی ٢٠ ساڵەی ئەم ئەفسانەیە بەم شێوەیە بووە:
2006 ئەڵمانیا 21 ساڵە: 6 یاری و 1 گۆڵ
2010 ئەفریقای باشوور 25 ساڵە: 4 یاری و 1 گۆڵ
2014 بەرازیل 29 ساڵە: 3 یاری و 1 گۆڵ
2018 ڕوسیا 33 ساڵە: 4 یاری، 4 گۆڵ
2022 قەتەر 37 ساڵە: 5 یاری، 2 گۆڵ
2026 ئەمریکا/کەنەدا/مەکسیک 41 ساڵە.
ڕۆناڵدۆ کە لە ساڵی 2003ەوە لە ژیانی وەرزشیدا 218 یاری و 132 گۆڵی نێودەوڵەتی تۆمارکردووە، بەم دەرکەوتنە سەلماندی کە تەمەن تەنها ژمارەیەکە.
ئەم مۆندیالە دەبێتە شەشەم و کۆتا مۆندیالی کریستیانۆ ڕۆناڵدۆ. ئەفسانەی پورتوگالی کە لە تەمەنی 41 ساڵیدا هاتە نێو پاڵەوانێتییەکە و ئەوە ئێستا بە فرمێسک و زەردەخەنەوە ماڵئاوایی لە گەورەترین قۆناغی پاڵەوانێتی جیهان دەکات. ناوبراو کە بردنەوەی یۆرۆ ی(2016) و خولی نەتەوەکانی (2019) لە کارنامەی کاریدایە، هێشتا خەون بە مۆندیالەوە دەبینێت. بەبێ گوێدان بە ئەنجامەکەی، ئامادەبوونی لە شەش مۆندیالدا ژمارەیەکی پێوانەیی هەتاهەتایی لە مێژووی تۆپی پێدا تۆمار دەکات.
No Comment! Be the first one.