چاویارنیوز _ دۆخی ژۆزێ مۆرینیۆ لە یانەی ڕیال مەدرید سەرەڕای پاڵپشتی یاریزانان، چووەتە قۆناغێکی نوێی گومان و نیگەرانییەوە.
بەگوێرەی ڕۆژنامەنووسی ئیسپانی ژۆرژی پیکۆن، بەشێک لە بەرپرسە باڵاکانی یانەکە لە ئاستی ڕاهێنەری پورتوگالی ڕازی نین و پێیان وایە سەرەڕای دەسەڵاتی بەرفراوان و پاڵپشتییەکی بەرچاو لە لایەن ئیدارەی یانەکەوە، بەڵام گۆڕانکارییە چاوەڕوانکراوەکان لە تیپەکەدا هێشتا بە ڕادەی پێویست نەبینراون.
مۆرینیۆ لە هاوینی 2026دا جارێکی دیکە سەرکردایەتی یانەی ڕیال مەدرید دەکات؛ گەڕانەوەیەک کە چاوەڕوانییەکی زۆری لەگەڵدا بوو. کارگێڕانی یانەکە هیوایان خواست کە ئەزموون و کەسایەتی ڕاهێنەرەکە بتوانێت کێشەکانی تیپەکە چارەسەر بکات و پێکهاتەی تەکنیکی ڕیاڵ بگۆڕێت.
بەپێی ڕاپۆرتەکەی پیکۆن، مۆرینیۆ لە بڕیارە تەکنیکییەکاندا ئازادی کرداری هەبووە و بۆچوونەکانیشی لەبارەی وەرگرتنی یاریزانانیش لەبەرچاو گیراوە؛ بەڵام هەندێک لە بەڕێوەبەران پێیان وایە کە ئەم پشتگیرییە هێشتا نەبووەتە هۆی گۆڕانکارییەکی بەرچاو لە شێوازی یاریکردن و بڕیارە تەکنیکییەکان.
یەکێک لەو بوارانەی کە ڕەخنەی لێدەگیرێت، هاوشێوەیی ئاستی ڕیاڵ مەدرید بووە لەگەڵ وەرزی ڕابردوو. هەروەها هەندێک کەسایەتی نزیک لە یانەکە پرسیاریان لەسەر بڕیارەکانی مۆرینیۆ لە پێکهاتەی سەرەکی و گۆڕانکارییەکانی مۆرینیۆ دروستکردووە. لە ڕاستیدا نیگەرانی سەرەکی ئەوەیە کە گەڕانەوەی ڕاهێنەری پورتوگالی بڕیار بوو سەرەتای گۆڕانکارییەک بێت، بەڵام نیشانەکانی ئەم گۆڕانکارییە هێشتا بۆ هەمووان قەناعەت پێکەر نین.
بەڵام دۆخی ژووری جلگۆڕین بە شێوەیەکی جیاواز وەسف دەکرێت. بەگوێرەی ڕۆژنامەی پیکۆن، مۆرینیۆ هێشتا پاڵپشتی یاریزانانی تیپەکەی ماوە و گومانی زیاتر لەنێو بەشێک لە بەڕێوەبەران و بەرپرسانی یانەکەدا دروست بووە.
ڕیال مەدرید لە چەند هەفتەی داهاتوودا ڕووبەڕووی یارییە گرنگەکان دەبێتەوە و ئەنجامی ئەو یارییانە ڕەنگە کاریگەری لەسەر هەڵسەنگاندنی ڕاهێنەران، هەبێت بۆ ئاستی ڕاهێنەر. لە یانەیەک کە چاوەڕوانییەک زۆری بۆ پاڵەوانێتی هەیە، تەنها پاڵپشتی سەرەتایی بەس نییە و دەبێت مۆرینیۆ نیشان بدات کە دەتوانێت لە ڕووی تەکنیکییەوە تیپەکە بگۆڕێت.
بێگومان تا ئێستا هیچ ڕاپۆرتێکی فەرمی لەبارەی بڕیارەکەی ڕیال مەدرید بۆ کۆتاییهێنان بە هاوکارییەکانی لەگەڵ مۆرینیۆ بڵاونەکراوەتەوە؛ بۆیە باسکردن لە داهاتووەکەی تەنها لە ڕاپۆرتە میدیاییەکان و گومانەکاندا سنووردار دەمێنێتەوە کە دەگەڕێتەوە بۆ هەندێک لە بەڕێوەبەران.
No Comment! Be the first one.