جاویارنیوز – کرایگ گۆردۆن گۆڵپارێزی دێرینی سکۆتلەندا ڕایگەیاند، ئەو ساتەوەختە شایانی هەموو ئەو سەختییە بووە کە لە ژیانی وەرزشیدا بەرگەی گرتووە دوای ئەوەی تیپەکەی لە تەمەنی 42 ساڵیدا سەرکەوتنی مێژوویی بۆ مۆندیالی 2026 بەدەستهێناوە، هەروەها ئاشکرایکردووە کە ستیڤ کلارکی ڕاهێنەری سکۆتلەندا قسەی لەگەڵ کردووە لە هاویندا واز لە یاریکردن بهێنێت.
گۆردۆن کە لەم وەرزەدا یاری بۆ یانەی هارتس نەکردووە، دوای ئەوەی لەماوەی دوو دەیەی ڕابردوودا بەرگەی پێکانی سەختی گرتبوو، بیری لەوە دەکردەوە لەکۆتایی وەرزی ڕابردوو واز لە یاری تۆپی پێ بێنێت، بەڵام گرێبەستەکەی بۆ ساڵێکی دیکە درێژکردەوە. سەرەڕای ئەوەی لە یاریگاکان دوورکەوتەوە، بەڵام بۆ دوو یاری کۆتایی چارەنووسساز بەرامبەر یۆنان و دانیمارک گەڕایەوە ناو پێکهاتەکە و ڕۆڵی سەرەکی بینی لە سەرکەفتنی سکۆتلەندا بۆ یەکەمین مۆندیال لە ساڵی ١٩٩٨ەوە.
کرایگ، لە لێدوانێکدا بۆ بی بی سی سکۆتلەند دوای بردنەوەکەیان بەرامبەر دانیمارک بە ئەنجامی 4-2، وتی: “ئەوە زۆر سۆزدارییە، زیاتر لە 20 ساڵە لەم یاریگایەدام، لەگەڵ شکست و شەوانی تاڵ، بەڵام پێموانییە هیچ ساتێکی باشترم لەم یارییە بەسەر بردبێت”. “سەرسوڕهێنەر بوو کە بەشێک بووم لەوە، هێشتا ماوەیەکی پێدەچێت تا بەڕاستی تێبگەم چی ڕوویداوە، خەریک بوو لە هاویندا خانەنشین بم. ستیڤ کلارک ئەو کەسە بوو کە وتی “بڕۆ بۆ ساڵێکی تر، ڕەنگە پێویستم بە تۆ بێت”. دەمتوانی دەستبەرداری هەموو شتێک بم، بەڵام ئەو یەک ساتەی ئەمشەو شایەنی هەموو نائومێدی و هەموو هەوڵ و هەموو ساڵێک بوو، هەرچییەک بوو، تەنها یەک سات بوو.
No Comment! Be the first one.