چاویارنیوز ـــ یانەی “بۆدۆ گلیمت”ی نەرویجی مێژوویەکی تۆمارکرد و بۆ یەکەمجار لە مێژووی یانەکەدا، توانی سەرکەوێت بۆ قۆناغی کۆمەڵەکانی چامپیۆنزلیگ.
بۆدۆ گلیمت لە یارییەکی چارەنووسسازدا بەرامبەر “ستۆرم گراز” سەرکەوتنی بەدەستهێنا و بەم بردنەوە بەنرخە، جێگەی خۆی لە چامپیۆنزلیگ مسۆگەرکرد. ئەم سەرکەوتنە گەورەیە بە هەنگاوێکی مێژوویی بۆ تۆپی پێی نەرویجی دادەنرێت و ناوی یانەکەش لە پاڵ باشترینەکانی ئەوروپادا بۆ یەکەمجار لەم پێشبڕکێیانە دانرا.
ئەم بەرزبوونەوەیە دوای ئاستێکی نایابی تیپەکە هات لە وەرزی ڕابردوودا، یانەی “بۆدۆ گلیمت” ساڵی ڕابردوو سەرکەوت بۆ قۆناغی پێش کۆتایی خولی نایابی ئەورووپا، بەڵام دواجار لە یارییەکی گرنگدا بە تۆتنهام دۆڕا و نەیتوانی سەرکەوێت بۆ یاری کۆتایی.
هاندەرانی یانەکە لە سۆشیال میدیا بە خۆشحاڵیەوە ئاهەنگی ئەم بەرزکردنەوەیە مێژووییەیان گێڕا، یاریزانانی تیپەکەش هیوادارن بتوانن لە گروپە سەختەکانی چامپیۆنزلیگدا ئاستێکی سەرکەوتوو پێشکەش بکەن. شارەزایانی تۆپی پێی ئەوروپاش ستایشی سەرکەوتنی بۆدۆ گلیمێتیان کردووە و بە نیشانەی پێشکەوتنی تۆپی پێ لە نەرویج ناویان بردووە. ئەم بەرزبوونەوە مێژووییە دەتوانێت یارمەتی یانەکە بدات بۆ ڕاکێشانی یاریزانی کوالیتی زیاتر و بەرزکردنەوەی ئاستی تیپەکە لە پاڵەوانێتییە نێودەوڵەتییەکاندا.
No Comment! Be the first one.