چاویار نیوز – سەرکونسوڵی ئێران ئاشکرای کرد کە هەر شوێنێک وەک بنکە یان مۆڵگەی هێزەکانی ئەمریکا، ئیسرائیل و گرووپە ئۆپۆزسیۆنەکانی ئێران بەکاربهێنرێت، ڕووبەڕووی هێرش دەبێتەوە. ئاماژەی بەوەش کرد: “ئەم هێرشانە بە هیچ شێوەیەک بە واتای دژایەتیکردنی هەرێمی کوردستان نایەت، چونکە پەیوەندییەکی مێژوویی و دێرین لە نێوانماندا هەیە و ڕێزێکی زۆرمان بۆ خەڵکی هەرێم هەیە.
ئەو بەرپرسە ئێرانییە پەردەی لەسەر هەوڵە دیپلۆماسییەکان لادا و ڕایگەیاند، لە کاتێکدا ئەوان لە ڕێگەی وڵاتی “عومان”ەوە سەرقاڵی دانوستان بوون بۆ هێورکردنەوەی دۆخەکە، هێرش کراوەتە سەر وڵاتەکەیان. وتیشی: “هێرشی توند کراوەتە سەر ژێرخانی مەدەنی و دامەزراوە گشتییەکانی ئێران، ئەمەش وایکردووە وەڵامدانەوەمان هەبێت.
No Comment! Be the first one.