چاویارنیوز _ بەرەبەیانی 11ـی سێپتەمبەری 2001، 19 ئەندامی سەر بە تۆڕێكی قـ.ـاعیدە، چوار فڕۆكەی نەفەرهەڵگری ئەمریكایان رفاند و دواتر دوو لە فڕۆكەكان خۆیان كێشا بە هەردوو تاوەرەی ناوەندیی بازرگانیی جیهانی لە نیویۆرك، یەكێك لە فڕۆكەكانیش خۆی بە بینای (پێنتاگۆن)دا كێشا و فڕۆكەی چوارەمیش لەویلایەتی پێنسیلڤانیا لەلایەن هێزی ئاسمانی ئەمریكا خرایەخوارەوە، لە ئەنجامی ئەو هێرشانەش، نزیكەی سێ هەزار كەس گیانیان لەدەستدا و هەزاران كەسیش برینداربوون.
ئەمڕۆ 24 ساڵ بەسەر هێرشەكانی 11ی سێپتەمبەری ساڵی 2001ـدا تێدەپەڕێت، كە بەهۆیەوە جگە لە هێرشبەرەكان 2977 كەس لە هاووڵاتی بیانی و ئەمەریكی گیانیان لەدەستدا، 11ی سێپتەمبەر بووە هۆی سەرهەڵدانی جەنگێكی درێژخایەنەی 20 ساڵە و گیانلەدەستدان و برینداربوونی هەزاران كەس و، ئاوارەبوونی ملیۆنان كەسی دیكە، دوای 20 ساڵیش سەدان كەس هێشتا لەتاو ئازار و خەمیی ئەو ڕۆژدا ژیان بەڕێدەكەن، چاودێرێكی سیاسیش پێیوایە، ئەو گروپە تیرۆرستانە تەنها هەڕەشە نەبوون لە سەر ئەمەریكا بەڵكو هەڕەشەبوون بۆ سەر تەواوی جیهان.
No Comment! Be the first one.