چاویارنیوز _ لە کۆنگرەیەکی ڕۆژنامەنووسیدا لە پەرلەمانی تورکیا، سەزای تەمەلی جێگری هاوسەرۆکانی پارتی یەکسانیی و دیموکراسیی گەلان (دەم پارتی) ڕایگەیاند: پرۆسەی ئاشتی لە تورکیادا بەرەوپێشچوونێکی باشی بەخۆیەوە بینیوەو هیوادارم زۆر درەنگ نەکەوێت و پێش ٣١ـی کانوونی دووەم، ئەم پێشنیارە یاساییەکە بخرێتە بەردەم دەستەی گشتیی پەرلەمان و یاسایی بکرێتەوە.
پەیوەست بە سەردانی کۆمسیۆن بۆلای عەبدوڵڵا ئۆجەلان لە زیندانی ئیمراڵی وتی: پێویستە بە زووترین کات کۆمسیۆن دیداری ڕێبەر ئاپۆ بکات و پەیوەست بە ئێستا و داهاتووی پرۆسەکە گوێی لێبگرن.
لەبارەی دۆسێی کۆبانێ_وە ئاماژەی بەوەکرد، هەموو بریارەکانی دادگای مافی مرۆڤی ئەورووپا ڕوونە، بەڵام دادگای تێهەڵچوونەوە لە جێبەجێنەکردنی بڕیارەکان، ئەوەی دەیکات، تاوانە.
تورکیا هەنگاوی پێویستی نەناوە
جێگری هاوسەرۆکی (دەم پارتی)، باس لەوەدەکات، تورکیا هەنگاوی گەورەی بۆ پرۆسەی ئاشتی نەناوە و تائێستا پرۆسەکە بە یەکلایەنە بەرەپێش دەچێت.
No Comment! Be the first one.