چاویارنیوز _ بەڕێوەبەرایەتیی گشتیی کارەبای سلێمانی لە رایەگەیەنراوێکدا بڵاویکردەوە، بەڕێوەبەرایەتیی جێبەجێکردنی دووەمی سلێمانی لەسەر داوای بریکاری داواکار _وەزیری کارەبای حکومەتی هەرێمی کوردستان/ سەرەڕای کارەکەی، لە رێگەی زیادکردنی ئاشکراوە هەڵدەستێت بە فرۆشتنی سەرجەم ئەو موڵکانەی کە هاوپێچی ئەم ئاگاداریيەن کە ژمارەیان 13 موڵکە.
بەپێی ڕاگەیەنراوەکە، سەرجەم ئەو موڵکانە لە ( کەرتی (١)ی مەڵکەندی و دەباشان)ن و بەناوی کۆمپانیای چاڤی تۆمارکراون بۆ وەبەرهێنانی گەشتیاری – هاوپشکی تایبەت، ئەویش بەرانبەر قەرزە کەڵکەبووەکانی کۆمپانیاکە، وەزیری کارەبای حکومەتی هەرێمی کوردستان / سەرەڕای کارەکەی، کە بڕەکەی سێ ملیار و هەشتا ملیۆن و حەوت سەد و دە هەزار دینارە، بە رەسمیی لەلایەن بەرێوەبەرایتیی کارەبای سلێمانییەوە دەفرۆشرێت.
لە ڕاگەیەنراوەکەی کارەبای سلێمانیدا، زیادکردنەکە لە ماوەی 30 رۆژدا، لەدوای بڵاوکردنەوەی ئەم ئاگادارییە لە رۆژنامەدا لە بەڕێوەبەرایەتییەکەیان لە سەعات 12ـی نیوەڕۆ ئەنجام دەدرێت.
No Comment! Be the first one.