چاویارنیوز _ سەعدی ئەحمەد پیرە ئەندامی مەكتەبی سیاسی یەكێتیی نیشتمانیی كوردستان وەڵامی هەڕەشەکانی پارتی لەسەر دووبارەکردنەوەی ئەنجامەکانی هەڵبژاردنی کوردستان دایەوە و وتی: دەبێت پارتی بزانێت بە تەمای چییە و هەڵبژاردن بۆچی دووبارە دەكاتەوە، هەڵبژاردن كرا و هیچ نەگۆڕاوە، بۆیە هەڵبژاردنیش بكرێتەوە هیچ ناگۆڕێت، تەنها پارەیەكی زۆری خەڵك وەك پارەكانی تر بەفیڕۆ دەدرێت، ئەگەر پارتی ئەو پارە زۆرەی هەیە با بچێت قەرزی خەڵك بداتەوە، کە بە ناوی پاشەكەوت كۆتانكرۆتەوە.
ئەو بەرپرسەی یەكێتی لە بەشێكی تری قەسەكانیدا رايگەیاند: لەجیاتی ئەوەی هەڵبژاردنێكی بێ مەعناو بێ ناوەرۆك دووبارە بكەیتەوە بۆ تێركردنی هەندێك حەزی نا تەندروست قەرزی خەڵك بدەینەوە باشترە.
ئاماژەی بەوەشكرد: كورسی سێيەمی یەكێتی لە هەولێر بووتە كەسەرێكی گەورە لەسەر دڵیان، ئێستاش كە باسی دەكەن دەڵێن، بە دەنگێكی كەم یەكێتی بردویەتیەوە.
كورسی سێیەمی یەكێتی لە هەولێر لەسەر دڵی پارتی بووەتە كەسەرێكی گەورە
ئەندامێکی مەكتەبی سیاسیی یەكێتی ئاماژەبەوەدەکات: ئەو هەڕەشانەی پارتی لەسەر دووبارەکردنەوەی هەڵبژاردنی پەرلەمانی كوردستان دەکرێت، بێ ناوەرۆكە، لەجێگەی ئەوەی پارە لە ئەنجامدانەوی هەڵبژاردن بکەن، با بچن پارەی پاشەكەوتكراو و قەرزی هاووڵاتیان و مووچەخۆران بدەنەوە.
No Comment! Be the first one.