گواستنەوەی کەریم بنزیمە بۆ یانەی هیلالی سعودییە کریستیانۆ ڕۆناڵدۆی زۆر تووڕە کردووە

چاویارنیوز – بەپێی هەواڵی میدیاکان و لێدوانەکانی فابریزیۆ ڕۆمانۆ، کریستیانۆ ڕۆناڵدۆ، ئەستێرەی تەمەن 40 ساڵی یانەی ناسری سعودیە، ناڕازییە لە دۆخی ئیدارەی گشتی و شێوازی واژۆکردنی گرێبەستی یانەکان لە تۆپی پێی سعودیە بە هۆکاری گرێبەست کردن لەگەڵ کەریم بنزیما؛ بابەتێک کە بە فەرمی لە میدیاکاندا بڵاوکراوەتەوە و سەرنجێکی زۆری پێدراوە.

ڕۆناڵدۆ کە یەکێکە لە ناوازەترین یاریزانەکانی مێژووی تۆپی پێ، لە هاوینی 2025دا گرێبەستەکەی لەگەڵ یانەی نەسر تا ساڵی 2027 درێژکردەوە، بەڵام لە چەند هەفتەی ڕابردوودا بەشێوەیەکی مشتومڕ لە پێکهاتەی تیپەکەی بەرامبەر یانەی ڕیاز دوورخرایەوە؛ هەرچەندە ئەم نەبوونە پەیوەندی بە پێکان و کێشە جەستەییەکانەوە نییە. بەگوێرەی ئیبۆلا و لەلایەن فابریزیۆ ڕۆمانۆوە پشتڕاستکراوەتەوە، هۆکاری سەرەکی ئامادەنەبوونی ڕۆناڵدۆ ناڕازیبوونیەتی لە شێوازی بەڕێوەبردنی یانەکەی لەلایەن سندوقی وەبەرهێنانی گشتی سعودیە (PIF)، بەتایبەتی کە بەگوتەی ئەو، یانەکانی دیکە کە لەلایەن هەمان سندوقەوە کۆنترۆڵکراون، وەک هیلال، ئیتیحاد و ئەهلی، کە لە گواستنەوەی یاریزاناندا ئاستێکی باشتریان پێشکەش کردووە.

کریستیانۆ ڕۆناڵدۆ لە ڕاستیدا هەست دەکات کە یانەی ناسر پاڵپشتی دارایی و توانای کڕینی کەمتری هەیە بە بەراورد بە ڕکابەرەکانی لە خولی پڕۆفشناڵی سعودیەدا، هەر بۆیەش ناڕازییە، بە تایبەت لە گواستنەوەکانی مانگی یەکدا. لە کاتێکدا تیپەکانی تر وەبەرهێنانێکی زۆریان کردووە بە ڕاکێشانی یاریزانە گەورەکانی وەک بنزیما و ئەستێرەکانی تر، بەڵام ئەلنەسر تەنها گرێبەستی لەگەڵ یاریزانێکی تەمەن ٢١ ساڵیدا واژۆ کرد کە نەیتوانی چاوەڕوانییەکانی ستافی ڕاهێنەرایەتی جێبەجێ بکات، ئەمەش شتێکە کە ڕۆناڵدۆ بە ناتەواوی دەزانێت.

ئەم دۆخە وایکردووە ڕۆناڵدۆ لە چەند یارییەکدا بەشداری نەکات و ڕەتی بکاتەوە یاری بکات؛ بابەتێک کە میدیاکانی پورتوگالیش بە بابەتی ناڕەزایەتی و ناڕەزایی گەورە وەسفیان کردووە. ئەو پێی وایە مەرجەکانی گرێبەستەکان و پرۆسەی بەڕێوەبردنی یانەکانی خولی سعودییە دادپەروەرانە نییە و پێی باشترە لەو شوێنانە یاری بکات کە تیپەکەی پاڵپشتی پێویستی وەربگرێت.

بێگومان هەندێک لە ڕەخنەگران پێیان وایە سەرەڕای بارودۆخی ناڕازیبوون، ئەلنەسر هێشتا یەکێکە لە یانە چالاکەکان لەڕووی وەبەرهێنان لە یاریزانە گرانبەهاکان و کێشەکانی ئەم دواییە زیاتر بەهۆی کێشەی ئیدارەی ناوخۆوەیە نەک لاوازی دارایی.