چاویارنیوز _ تەنها مانگێک ماوە بۆ دەستپێکردنی مۆندیالی ٢٠٢٦، بەڵام بە پێچەوانەی ساڵانی پێشووەوە هیچ هێڵێکی درێژ نییە بۆ کڕینی بلیت.
ژمارەیەکی زۆر لە ڕاپۆرتەکان ئاماژە بەوە دەکەن کە فیفا پێشوازییەکی ساردی بۆ زۆرێک لە پاڵەوانێتییەکان وەرگرتووە و هەزاران بلیت بە نەفرۆشراوی ماونەتەوە. قەیرانەکە بە تایبەتی بۆ ئەو پاڵەوانێتیانە توندە کە هەڵبژاردەی ئەمریکا بەشداری تێدا دەکات.
بەگوێرەی ئەو بەڵگەنامانەی دەست ئەتلەتیک کەوتووە، لە کۆی ٦٩ هەزار و ٦٥٠ بلیتی یاریگای سۆفی لە لۆس ئەنجلۆس تەنها ٤٠ هەزار و ٩٣٤ بلیت فرۆشراون بۆ یاریی یەکەمی ئەمریکا بەرامبەر پاراگوێ. فیفا ئەم ئامارەی ڕەتکردووەتەوە، بەڵام ماڵپەڕی فەرمی فرۆشتنی بلیتەکان دەریدەخات کە هەزاران کورسی بۆ یارییەکە کە نرخی یەک هەزار و ١٢٠ دۆلاری فەلەکییە، هێشتا بەتاڵە. نرخی بلیتەکان لە مانگی ئۆکتۆبەرەوە بە تێکڕا 34% بەرزبووەتەوە و گرانترین بلیتی یاری کۆتایی گەیشتووەتە 11 هەزار دۆلار.
بەرزبوونەوەی بێ وێنەی نرخ، لەگەڵ هەڵاوسان و سەختی ئابووری، هاندەرانی لە یاریگاکان دوورخستووەتەوە. لە ڕاپرسییەکی زانکۆی هالدا دەرکەوتووە کە لە ماوەی شەش مانگی ڕابردوودا ئامادەیی هاندەرانی تۆپی پێی ئەمریکی بۆ کڕینی بلیت لە 40% بۆ 30% دابەزیوە. هەروەها دۆناڵد ترەمپ، سەرۆکی ئەمریکا لەکاردانەوەی نرخی 1000 دۆلار بۆ یارییەکەی ئەمریکا وتی: “منیش ئەوەندە پارە نادەم.”
نیگەرانییەکان گەیشتوونەتە ئاستێک کە شارەزایان هۆشدار دەدەن لەوەی یارییەکان لە یاریگا نیوە چۆڵەکاندا ئەنجام بدرێت. پێشبینی دەکرێت فیفا ناچار بێت نرخی بلیتەکان تا ٧٥% کەم بکاتەوە. لە کاتێکدا ٢٧ ڕۆژ ماوە بۆ دەستپێکی پاڵەوانێتییەکە، گەورەترین ڕووداوی وەرزشی جیهان لە لێواری کارەساتێکی دارایی و بێوێنەدایە. ڕووداوێک کە دەتوانێت خەونی داهاتی چەند ملیار دۆلاری بۆ فیفا دابڕوخێنێت.
No Comment! Be the first one.