چاویارنیوز _ پێپ گواردیۆلا ستایشی ڕایان چێرکی ئەستێرەی لاوی یانەی مانچستەر سیتی کرد و پێشبینی داهاتوویەکی گەش بۆ ئەو یاریزانە دەکات و تەنانەت بەراوردی کرد لەگەڵ “لیۆنێل مێسی”دا.
گواردیۆلا لە لێدوانێکیدا بۆ میدیاکان سەبارەت بە یەکەم دەرکەوتنی چێرکی لە مۆندیالدا ڕایگەیاندووە، ئەو یاریزانە هێرشبەرە توانای تەکنیکی بێهاوتای هەیە و دەتوانێت باشترین وەشانی خۆی شانبەشانی یاریزانە گەورەکان پیشان بدات.
گواردیۆلا لەم بارەیەوە وتی: ڕایان لە تیپی فەرەنسا؟ تەنها سەیری بکەن؛ یاریزانێکی پێهاوتایە، کاتێک لەگەڵ یاریزانە ئاست بەرزەکانە، زۆر باش یاری دەکات و ڕێک هەر بۆیە هێناومەتە مانچستەر سیتی.
پاشان ڕاهێنەری ئیسپانی پێشووی یانەی سیتی پێکەنی و بەراوردێکی سەرنجڕاکێشی لە نێوان ئەو ئەستێرە گەنجە و لیۆنێل مێسیدا کرد و وتی: بەڕای من توانای ئەوەی هەیە ڕۆژێک وەک لیۆنێل مێسی بێت… ڕەنگە!
لە کۆتاییدا گواردیۆلا جارێکی دیکە باسی لە ئارەزووی خۆی بۆ سەیرکردنی ئاستی چێرکی لە مۆندیالدا کرد و ڕایگەیاند: بەڕاستی حەز دەکەم سەیری یارییەکانی بکەم لە مۆندیالدا، بەڵێ بە دڵنیاییەوە بەدوای یارییەکانیدا دەبم.
ئەم لێدوانەی گواردیۆلا لە کاتێکدایە کە چێرکی بووەتە یەکێک لە بەهرەمەندەکانی تۆپی پێی ئەوروپا لە دوای پەیوەندیکردن بە مانچستەر سیتیەوە، زۆرێک چاوەڕێی ئەوەن لە گەورەترین پاڵەوانێتی تۆپی پێی جیهاندا بدرەوشێتەوە.
No Comment! Be the first one.