جاویارنیوز _ تەنها چەند ڕۆژێک پێش دەستپێکی مۆندیالی 2026، کۆمپانیای نایک بە یەک تیر دوو ئامانج دەپێکێت، هەم پێشوازی دەکات لە گەورەترین ڕووداوی تۆپی پێی جیهان و هەمیش ڕێزدەگرێت لەو ئەفسانەیە کە دوایین دەرکەوتنی لەم پاڵەوانێتییەدا بە شێوازێکی تایبەت ئەزموون دەکات.
وێنەی نوێی پێڵاوە تایبەتەکەی کریستیانۆ ڕۆناڵدۆ بەناوی “نایک مێرکوریاڵ ڤیپر سوپەرفلای وەن” بڵاوکراوەتەوە، کە ئاماژەن بۆ دیزاینێکی تایبەت و تاکەکەسی. خاڵی گرنگ لێرەدا ئەوەیە کە لە دوای مۆندیالی 2022ەوە کۆمپانیای نایک هیچ بەرهەمێکی تایبەتی بە ناوی CR7 لە بازاڕدا بڵاو نەکردبووەوە؛ وەک ئەوەی کۆمپانیا ئەمریکییەکە بیەوێت دوای سێ ساڵ لە سەبر و خۆڕاگری پەردە لەسەر شاکارێکی بەردەوام لابدات.
ڕەنگی زێڕینی کانزایی بریقەداری ئەم پێڵاوە مۆدێلی بەناوبانگی ساڵی 2009 دەهێنێتەوە یاد کە وشەی “دوا سەما”ی لەسەرە. لەسەر پاژنەی ئەم پێڵاوە تایبەتە مارکەی CR7 Mercurial ـی هەڵکنراوە و لە ناوەوەشدا وشەی “GOAT” (گەورەترین یاریزانی هەموو کاتەکان)ی لەسەرە کە بە پیتی گەورە چاپکراوە کە بە ڕوونی هەمان ئەو پەیامەیە کەوا هاندەرانی ڕۆناڵدۆ چاوەڕێی بوون.
لە ڕووی تەکنیکییەوە کۆمپانیای نایک بەشی سەرەوەی کلاسیکی پێڵاوەکەی لەگەڵ بەشی خوارووی مۆدێرنی مێرکوریال ڤیپر16 تێکەڵ کردووە کە بە کاریگەری کرۆمی زێڕین تەواو کراوە. بڕیارە ئەم بەرهەمە لە 18ی حوزەیرانی 2026 (ڕۆژێک دوای یەکەم یاری پورتوگال لە کۆمەڵەی مۆندیالدا) لەسەر ئاستی جیهانی بڵاوبکرێتەوە.
No Comment! Be the first one.