بێ ئومێدی لە حوکمڕانیی خێڵ و بنەماڵە کاتێک هاوپەیمانان کوردستان بەجێدێڵن

چاویارنیوز – ​هەواڵی کشانەوەی هێزەکانی ئەڵمانیا لە هەرێمی کوردستان ڕاستەوخۆ دوای ئەمریکا، کە لە لایەن گۆڤاری بە ناوبانگی “شپیگل”ەوە ئاشکرا کراوە، زەمین لەرزەیەکی سیاسی و سەربازیی ڕاستەقینەیە بۆ خێڵ و بنەماڵەی حکومڕانی هەرێم.

ئەم بڕیارە دراماتیکییەی بەرلین و واشنتۆن شەقازلەیەکی بەهێزی نێودەوڵەتییە لە دەموچاوی ئەو حوکمڕانییە خێڵەکی و بنەماڵەییەی هەرێم کە وڵاتانی ناچار کرد لە ترسی گەندەڵی و ئازادی ڕادەربڕین هەرێم جێبهێڵن.
​ئەم پشتتێکردنە مێژووییە، دەیسەلمێنێت کە لای هاوپەیمانان مەترسیی حوکمڕانیی تاقمە گەندەڵەکان و مافیا داراییەکان زۆر گەورەترە لە مەترسیی تـیرۆر، چونکە بێ ئومێد بوونی تەواوی ئەوروپا و ئەمریکا لەو بەڵێنە درۆینانە سەرچاوە دەگرێت کە ساڵانێکە بەرپرسانی پارتی لەژێر ناوی “چاکسازی و یەکخستنی پێشمەرگە” دەیفرۆشنەوە؛ کاتێک بینرا هێزی چەکدار تەنها وەک کارتێکی حیزبی بۆ پاراستنی بەرژەوەندیی خێڵ بەکار دێت، هاوپەیمانان بڕیاری کشانەوەیان دا.
​واشنتۆن و بەرلین ساڵانێکی زۆر ملیۆنان دۆلار هاوکاریی دارایی و سەربازییان ڕشتە ناو هەرێمەوە بەو مەرجەی هێزێکی نیشتمانیی ڕاستەقینە دروست ببێت،بەڵام خێڵ لە بری چاکسازی، پارەکەی بۆ قاچاخ چێتی و کۆمپانیا سێبەرەکانی خۆی بەکارهێنا، تا وای لە هاوپەیمانان کرد چیتر نەبنە شەریک لەم مۆدێلە پڕ لە ڕسواییە،​جێهێشتنی هەرێم لە لایەن دۆستە دێرینەکانیەوە،لێدانی زەنگی گۆشەگیرییەکی کوشندەیە بۆ هەولێر.