“نونیز” پەیوەندی بە “ئەلدەرعییە”وە دەکات

چاویارنیوز _ “داروین نونیز” هێرشبەری ئۆرۆگوایی یانەی هیلال بە خواستن یانەکەی جێهێشت و پەیوەندی بە یانەی  ئەلدەرعییەی سعودیەوە کرد. فابریزیۆ ڕۆمانۆ دووپاتی کردەوە کە گرێبەستی کۆتایی واژۆ کراوە و نونیز بە فەرمی بووەتە یاریزانی یانەی ئەلدەرعییە.

بەپێی وردەکارییە ڕاگەیەندراوەکان، نونیز تا مانگی حوزەیرانی 2027 بە خواستن لەگەڵ یانەی ئەلدەرعییە یاری دەکات و هیچ بڕگەیەکی کڕینی لە گرێبەستەکەیدا نییە؛ بۆیە یانە سعودییەکە مافی ئەوەی نابێت ئەم گواستنەوەیە بە خواستن بگۆڕێت بۆ گرێبەستێکی هەمیشەیی لە کۆتایی ئەم وەرزەدا.

گواستنەوەکە لە کاتێکدا ئەنجامدرا کە نونیز تەنها ساڵێک دوای گواستنەوەی پڕ لە گێژاوی لە لیڤەرپوولەوە بۆ یانەی هیلال بارودۆخێکی سەختی لە یانەکەدا ئەزموون کرد. بوونی کەریم بنزیما لە هێرشبردن و سنووردارکردنی لیستی یاریزانە بیانیەکان کاریگەری لەسەر شوێنی نونیز لە پێکهاتەی ئەلهیلالدا دروستکرد، هێرشبەرە ئۆرۆگواییەکەش بەدوای ڕێگایەکدا دەگەڕێت بۆ ئەوەی بەشێوەیەکی کاتی بۆ ماوەی وەرزەکە  تیپەکە جێبهێڵێت.

نونیز پێش ئەم گواستنەوەیە لەژێر چاودێری یانەی ترابزۆنسپۆری تورکیادا بوو، بەڵام لە کۆتاییدا دانوستانەکان نەگەیشتنە ئەنجام و یانەی ئەلدەرعییە بوو بە شوێنی کۆتایی هێرشبەرەکە. بەم شێوەیە نونیز لە تۆپی پێی سعودیە دەمێنێتەوە و وەرزی 2026/2027 بە درێسی ئەلدەرعییە یاری دەکات. ئێستا نونێز هیوادارە کاتێکی زیاتری یاریکردن بەدەستبهێنێت لە تیپی نوێیەکەیدا و بتوانێت دووبارە تواناکانی گۆڵ تۆمارکردنی خۆی نیشان بدات.