چاویارنیوز ـــ بڵاوکراوەیەکی بەناوبانگی فەڕەنسی هەواڵی لەسەر پێشنیارێک لە لایەن یانەیەکی سعودیەوە بۆ هەڵگری 8 خەڵاتی تۆپی زێڕین بۆ باشترین یاریزانی جیهان داوە.
بڵاوکراوەی سپۆرتی فەڕەنسی ئەمڕۆ سێشەممە هەواڵێکی نوێی بڵاوکردەوە سەبارەت بە ئۆفەرێکی بەهێز لەلایەن یانەی ئەلاهی سعوودییەوە بۆ لیۆنێل مێسی.
بۆ شەشەم جار لە ماوەی دوو ساڵی ڕابردوودا، ناوی لیۆنێل مێسی بۆ گواستنەوەی بۆ خولی سعودیە خرایەڕوو. پێش ئەوەی لە ساڵی 2023 بچێتە ئینتەر میامی، مێسی تەنیا هەنگاوێک دوور بوو لە گواستنەوەی بۆ هیلال، بەڵام لە کۆتاییدا هەڵبژاردەی ئەمریکی هەڵبژارد. گرێبەستی ئەفسانەی ئەرجەنتینی لەگەڵ ئینتەر میامی لە ساڵی 2025 کۆتایی دێت و دەتوانێت وەک یاریزانێکی ئازاد بچێتە هەر یانەیەک. بڵاوکراوەی فەڕەنسی دەڵێت؛ بەرپرسانی یانەی ئەلاهی لەگەڵ پارێزەرانی لیۆنێل میسی دانوستانیان دەستپێکردووە بۆ ڕاکێشانی پاڵەوانی مۆندیال بە ئۆفەرێکی سەرنجڕاکێش و سەیر و سەمەر.
بەگوێرەی ڕاپۆرتێکی ماڵپەڕی ئێکیپ، کارگێڕی ئینتەر میامی هەروەها گفتوگۆ لەگەڵ مێسی دەکات بۆ بەدەستهێنانی ڕەزامەندی ئەو یاریزانە لەسەر مانەوەی.
No Comment! Be the first one.