“مۆیس کین” ئامانجی گواستنەوەیە بۆ مانچستەر یونایتد

چاویارنیوز ـــ ئەمجارە هێرشبەری ئیتالی هەڵبژاردەی “ڤیولا” بووە بە ئامانجی گوستنەوەی مانچستەر یونایتد.

یانەی مانچستەر یونایتد کە تا ئێستا توانیویەتی گرێبەست لەگەڵ “ماتیوس کونهای” بەرازیلی لە وۆڵڤرهامپتۆن و “دیگۆ لۆنی” پاراگوای لە سێرۆ پۆرتینۆ بکات بۆ بەهێزکردنی پێگەی هێرشبەر و بەرگری چەپ، بەنیازە گرێبەست لەگەڵ هێرشبەرێکی نوێ بکات ئەگەر بتوانێت بۆشایی پێویست لە پێکهاتەکەدا دروست بکات بە فرۆشتنی یاریزانێک.

ڕۆژنامەی “Athletic” ی ئینگلیزی بڵاویکردووەتەوە کە مانچستەر یونایتد زۆرترین بایەخی نیشانداوە لە نێو یانەکانی پرێمەرلیگدا بۆ کڕینی “مۆیس کین”.
هێرشبەری ئیتالی فیۆرێنتینا بڕی 52 ملیۆن یۆرۆی لە گرێبەستەکەیدا هەیە، کە دەکرێت تا 15 ی تەمموز جێبەجێ بکرێت.

ئەو یاریزانە تەمەن 25 ساڵە کە مێژوویەکی یاریکردنی بۆ یوڤێنتوس، پاریس سانجێرمان و ئێڤەرتۆن هەیە، تا کۆتایی مانگی حوزەیرانی 2029 گرێبەستی لەگەڵ فیۆرێنتینا هەیە. ئەم هێرشبەرە ئیتاڵییە وەرزی ڕابردوو 44 یاری لە پاڵەوانێتییە جۆراوجۆرەکاندا بۆ یانەی مۆری فلۆرێنسا ئەنجامداوە و 25 گۆڵی تۆمارکردووە.