چاویارنیوز ـــ ڕاهێنەری پێشووی هەڵبژاردەی ئێران وەک ڕاهێنەری نوێی عومان دەستنیشانکرا.
هەروەک فیدراسیۆنی تۆپی پێ عومان ڕایگەیاندووە؛ کارلۆس کەیروش وەک ڕاهێنەری نوێی هەڵبژاردەی تۆپی پێی وڵاتی عومان دەستنیشان کراوە.
ڕاهێنەرە تەمەن 72 ساڵەکە لە دوای ماڵئاوایی لە هەڵبژاردەی تۆپی پێی قەتەر لە مانگی کانوونی دووەمی 2023 کاری بۆ هیچ تیپێک نەکردووە و ئێستا بۆ جێگرتنەوەی ڕەشید جابر عومانی هەڵبژێردرا بۆ ئەوەی سەرکردایەتی هەڵبژاردەکە بکات لە یارییەکانی پلەی ئافی مۆندیالی 2026دا.
ڕاهێنەری پێشووی ئێران کە مێژووی چوار یاری مۆندیالی هەیە، بۆ حەوتەمین جار لە دوای هەڵبژاردەکانی ئەفریقای باشوور، پورتوگال، ئێران، کۆڵۆمبیا، میسر و قەتەر لەسەر کورسی یەدەگی هەڵبژاردەیەکی نیشتمانی دادەنیشێت.
دوای ئەوەی هەڵبژاردەی عومان ماڵئاوایی لە برانکۆ ئیڤانکۆڤیچی کرواتی کرد، یارۆسلاڤ شیلاڤی لە وڵاتی چیک و دواتریش ڕەشید جابر بەکارهێنا، و گەیشتە قۆناغی کۆتایی بە بەدەستهێنانی پلەی چوارەمی کۆمەڵەی دووەمی قۆناغی سێیەمی پاڵاوتنەکانی مۆندیال لە ئاسیا.
No Comment! Be the first one.