چاویارنیوز ـــ پێشتر باشترین گۆڵکاری غەززە بوو، بەڵام ئێستا پێڵاوەکانی بۆ فرۆشتن داناوە لە بەرامبەر پارچەیەک نان بۆ خێزانەکەی.
بەگوێرەی ڕاپۆرتێکی کەناڵی ئەلجەزیرە برسێتی لەم ڕۆژانەدا بۆتە نیگەرانی سەرەکی خەڵکی غەززە، منداڵەکان دەکاتە قوربانی .
بەهۆی ئەو قەیرانەوە “حەمادە ساڵح” یاریزانی تۆپی پێی فەلەستینی و باشترین گۆڵکاری یانەی ئەهلی غەززە ناچار بوو پێڵاوەکانی خۆی بفرۆشێت بۆ پارچەیەک نان بۆ خێزانەکەی. یونیسێف دەڵێت ٤٧٠ هەزار کەس لە غەززە بەدەست برسێتی و بەدخۆراکییەوە دەناڵێنن و ٧١ هەزار کەسیش مەترسی مردنیان لەسەرە. “حەمادە ساڵح” دەتوانرێت بە بەناوبانگترین یاریزانی غەززە دابنرێت چونکە پێش شەڕ هاندەرانی یانەی ئەهلی بە گۆڵەکانی هەڵدەبەزن و نازناوی کاک گۆڵکاری غەززەی پێبەخشرا بەڕێز گۆڵکاری غەززە لە پۆستێکدا لەگەڵ وێنەیەکی پێڵاوەکانی دەڵێت بەداخەوە ئەمە هەموو ئەو شتانەیە کە لە یادەوەریەکانی تۆپی پێم مابوو.
ئەلجەزیرە نووسیویەتی فیفا کە بەرپرسە لە سەلامەتی و ئاسایشی دارایی یاریزانانی تۆپی پێ لە سەرانسەری جیهاندا، یاریزانانی کەرتی غەززەی لەبیر کردووە.
ئازاری یاریزانە تەنیاکان بە هەژاری و برسێتی کۆتایی نایەت. تاوانەکانی سوپای ئیسرائیل لە سەرەتای شەڕی دژی غەززە بووە هۆی گیان لەدەستدانی 450 یاریزانی تۆپی پێ “ئێریک لارسۆن” پسپۆڕی تۆپی پێی بەریتانیا دەڵێت؛ هەژاری و کێشەی دارایی یاریزانانی تۆپی پێ لە کاتی جەنگدا ناگەڕێنرێتەوە بۆ کەموکورتییەکانی فیفا لە جێبەجێکردنی بەرپرسیارێتییەکانی. لەگەڵ ئەوەشدا “حەسەن زەیدی” پسپۆڕی تۆپی پێ لە ئوردن پێی وایە فیفا ئەرکی دابینکردنی پاڵپشتی مەعنەوی و دارایی بۆ یاریزانانی تۆپی پێ هەیە، بەڵام لە غەززە پشتی لە بەرپرسیارێتییەکانی کردووە. یەکێتی پاڵپشتی یاریزانانی تۆپی پێ لە سەرانسەری جیهاندا، لە بارودۆخی ئێستای غەززەدا، دەتوانێت لانی کەم سەرکۆنەی کەمتەرخەمی فیفا بکات بە دەرکردنی بەیاننامە و دروستکردنی کەمپین بۆ یارمەتیدانی خێزانی ئەو یاریزانە فەلەستینییانە.
No Comment! Be the first one.