چاویارنیوز – ڕاگەیەندراوی هاوبەشی هەرسێ فراکسیۆنی (هەڵویست و یەکگرتوو کۆمەڵ) لە ئەنجومەنی نوێنەرانی عێراق، لەسەر گرانی و بەرز بوونەوەی نرخی بەنزین وغاز و سوتەمەنی :
بەناوی خوای بەخشندەی میهرەبان
لە کاتێکدا هاوڵاتیانی هەرێمی کوردستان، بەدەست قەیرانی ئابووری و دواکەوتنی مووچەو چەندەها گرفتی ئابورییەوە دەناڵێنن، بارگرانییەکی تری تاقەتپڕوکێن خراوەتە سەر شانیان، ئەویش بەرزبوونەوەی نرخی بەنزین غازو سووتەمەنییە، ئەم دۆخە نەخوازراوە کاریگەری ڕاستەوخۆی کردووەتە سەر بژێوی ڕۆژانەی کاسبکاران، شوفێران و سەرجەم چین و توێژەکانی کۆمەڵگا.
ئێمە وەک ئەم سێ فراکسیۆنە کوردستانییە لە بەغدا، پاڵپشت بەو متمانەیەی پێمان بەخشراوە، ڕایدەگەیەنین کە بەهیج شێوەک بێدەنگ نابین لە ئاست ئەم ستەم و نادادی و کەمتەرخەمییەی بەرامبەر بە هاوڵاتیانی هەرێم دەکرێت.
بۆیە بۆ ڕای گشتی ڕوونی دەکەینەوە کە ئەم هەنگاوانە دەگرینە بەر:
یەکەم: هەموو هەوڵ و تواناکانمان چڕدەکەینەوە لەڕێی پەرلەمان و لیژنە پەیوەندیدارەکان و سەردانی ڕاستەوخۆی وەزارەتی نەوت و گرتنەبەری هەموو ڕێگایەکی یاسایی و ئیداری بۆ ڕێگریکردن لەم قۆرخکارییە ئاشکرایە، کە حکومەتی کاربەڕێکەری هەرێم بەرامبەر بە هاوڵاتیان دەیکات.
دووەم:حکومەتی کاربەڕێکەری هەرێمی کوردستان بەرپرسیاری یەکەمی ئەم گرانی و قۆرخکارییەیە کە لە بازاڕی سووتەمەنیدا هەیە، نەمانی شەفافییەت لە داهاتی نەوت و پاڵاوگەکان، باجەکەی تەنها هاوڵاتیانی بەشمەینەتی هەرێم دەیدەن.
سێیەم: داوا ئاراستەی سەرۆک وەزیرانی عێراق و وەزارەتی نەوتی فیدراڵی دەکەین،بە پێی بنەماکانی دەستوور و هاوڵاتیبوون پشکی پارێزگاکانی (هەولێر، سلێمانی، دهۆک، هەڵەبجە) لە بەنزینی کوالیتی بەرز و بە نرخی پاڵپشتی کراوی حکومی (٤٥٠ دیناری) زیاد بکەن و،ڕێگا نەدەن هاوڵاتیانی هەرێم ببنە قوربانی ململانێ سیاسییەکان.
هاونیشتمانیانی بەڕێز..ئێمە لە بەغداوە بەردەوام دەبین لە بە کار هێنانی سەرجەم کارتە یاسایی،دەستووری و پەرلەمانییەکانمان بۆ کۆتایی هێنان بەم نادادییە و،سووک کردنی ئەو بار گرانییە ئابوورییەی خراوەتە سەر شانتان.
هۆشدارییەک لە فراکسیۆنەکانی ههڵویست، یهكگرتو و كۆمهڵەوە
حکومەتی کاربەڕێکەری هەرێم بەرپرسیاری یەکەمی گرانی و قۆرخکارییە لە بازاڕی سووتەمەنیدا
هەموو هەوڵ و تواناکانمان چڕدەکەینەوە لەڕێی پەرلەمان و لیژنە پەیوەندیدارەکان و سەردانی ڕاستەوخۆی وەزارەتی نەوت و گرتنەبەری هەموو ڕێگایەکی یاسایی و ئیداری بۆ ڕێگریکردن لەم قۆرخکارییە ئاشکرایە، کە حکومەتی کاربەڕێکەری هەرێم بەرامبەر بە هاوڵاتیان دەیکات.
No Comment! Be the first one.