چاویار نیوز- شالاو مەحمود چالاكی مەدەنی ڕایگەیاند ،کاتێک دواین ئاگاداریمان پێگەیشتوە کەئەگەر هەژماری من تەواو نەکەین موچەکەمان ڕادەگیرێت هی هەندێکیشمان ڕاگیراوە ئەوا ڕاستگۆبم من پێموایە لەنێوان ڕاگرتنی موچەکەمان و قبوڵکردنی هەژماری من دەبێت هەژمارەکە هەڵبژێرین ،چونکە من هاتومە ئەو باوەڕەی کاتێک سوپایەک بەتەوای شەڕگەیەک چۆڵدەکات ناکرێت چەند سەربازێک لەجیاتی ئەوان هەتا مردن لەو شوێنە شەڕ بکەن لەکاتێکدا دەزانن جگە لە مردن هیچ ئەنجامێکی تریان دەست ناکەوێت لەکاتێکدا ئەوەی ئەوان لەسەریان بووە کردویانە و تا دوا فیشەک شەڕیان کردوە .
ناوبراو وتیشی، بەداخەوە زۆربەی هەوڵەکانی گۆڕانکاری یان دژایەتی هەر پڕۆژە و بڕیارێکی نادادپەروەرانە لەم هەرێمە بەئامانج ناگەن ئەویش بەهۆی ئەوەی هەموان دەیانەوێت ئەرک نەکەوێتە سەرخۆیان و هەمو ئەرکەکە دواجار دەخەنە سەرشانی کۆمەڵێکی بچوک کە بێگومان ئەو ئەرکە بەتەنها بەئەوان هەڵناگیرێت وناگاتە ئەنجام.
No Comment! Be the first one.