چاویارنیوز _ میدیاکانی عێراق بڵاویانکردەوە، چاوەڕوان دەکرێت لە پەراوێزی کۆبونەوەی لوتکەی وڵاتانی عەرەبی – ئیسلامی کە ئەمڕۆ لە قەتەر بەڕێوەدەچێت، محەمەد شیاع سودانی سەرۆک وەزیرانی عێراق و ئەحمەد شەرع سەرۆکی کاتی سوریا کۆببنەوە، بۆ گفتوگۆکردن لەسەر هەماهەنگی ئاسایش و ئابووری لەنێوان هەردوو وڵات، بەتایبەتی ئاسایی کردنەوەی ئاڵوگۆڕی بازرگانی لە دەروازەی وەلید و پاراستنی سنورەکانی نێوان هەردوو وڵات.
بەپێی سەرچاوەکانی هەواڵ، دوای کۆبونەوەی نێوانیان، رێککەوتنی دەستپێکردنەوەی ئاڵوگۆڕی بازرگانی رادەگەیەندرێت، لەگەڵ دەستپێکردنی هەنگاوی کردەیی بۆ بەگەڕخستنەوەی بۆری گواستنەوەی نەوتی کەرکوک بۆ بەندەری بانیاسی سوریا و دەستپێکردنەوەی هەناردەی نەوت لەو بۆریەوە.
رۆژی (17ـی نیسانی 2025) دوور لە چاوی میدیاکان محەمەد شیاع سودانی سەرۆك وەزیرانی عێراق سەردانێكی بەپەلەی بۆ قەتەر ئەنجامدا بۆ ئەنجامدانی دیدار لەگەڵ شێخ تەمیم حەمەد ئالسانی میری قەتەر و دواتر چاوی بە ئەحمەد شەرع سەرۆكی كاتیی سوریا كەوتووە.
ئاژانسی هەواڵی فەرمی عێراق بڵاوی کردۆتەوە، دیدارە سێقۆڵییەكە بەهۆی ڕووداوە خێراكانی ناوچەكە و بەتایبەتیش سوریا بووە، سەرۆك وەزیرانی عێراق جەختیكردووەتەوە عێراق لە نزیكەوە چاودێری گۆڕانكارییەكانی سوریا دەكات.
سودانی و شەرع کۆدەبنەوە
چاوەڕوان دەکرێت لە پەراوێزی کۆبونەوەی لوتکەی وڵاتانی عەرەبی و ئیسلامی لە قەتەر، سودانی و شەرع کۆببنەوە، ئەوەش دووەم کۆبونەوەی نێوانیان لە ماوەی پێنج مانگی رابردوودا.
No Comment! Be the first one.