چاویارنیوز _ هەڤاڵ سدیق گەڵۆزی شارەزای كەشناسی دەڵێت: درەنگانی شەوی سێشەممە کەشوهەوای هەرێم دەبێتە هەور و ناوبەناو بارانیش دەبارێت، دواتر لە چەندین ناوچەی جیاوازی هەرێم ئاسمان دەبێتە هەور و لەناوچە شاخاوییەکانی دهۆک، زاخۆ، باکووری هەولێر، ئیدارەی سۆران، کۆیە، ئیدارەی ڕاپەڕینو هەندێك شوێنی سلێمانیش نمەباران دەبارێت.
وتیشی: بەپێی پێشبینییەکان، ئەو شەپۆلە بارانبارینەی ئەمشەو ڕوو لە هەرێم دەکات، لاوازو کورتخایەن دەبێتو بەرەبەیانی ڕۆژی پێنجشەممە کۆتاییدێت.
وتیشی: بەهێزترین شەپۆلی بارانبارین، کە هەرێمی كوردستان دەگرێتەوە، لەسەرەتای مانگی داهاتوودەبێت و ڕەنگە لەبەشێكی زۆرى ئهو ناوچانهى کە پهڵهى نهداوه، پهڵه بداتو ئاستی ئاویش لەچەمو دۆڵو ڕوبارو دەریاچەکان بەرزبێتەوە.
سبەینێ بارانبارین دهستپێدهكاتهوه
کەشناسێکی کورد پێشبینی خۆی بۆ کەشوهەوای کوردستان ڕاگەیاندووەو پێشبینی دەکات، سبەینێ سێشەممە، شەپۆلێكی بارانبارین هەرێمی كوردستان بگرێتەوە، بەڵام شەپۆلێکی مامناوەند و لاوازە و هەموو ناوچەكان ناگرێتەوە.
No Comment! Be the first one.