چاویارنیوز _ جەمال کۆچەر ئەندامی فراکسیۆنی یەکگرتووی ئیسلامی لە ئەنجومەنی نوێنەرانی عێراق دەڵێت: یەکگرتوو پرۆژەیەکی هەیە بۆ ئەوەی بەنزینی 450 دیناری لەلایەن حکومەتی فیدراڵییەوە بۆ هەرێمی کوردستان دابین بکرێت.
وتیشی، پرۆژەکە بەو شێوەیەیە کە حکومەتی عێراق خۆی بەنزینەکە رەوانە بکات و لە رێگەی چەند بەنزینخانەیەکی دیاریکراوەوە بەسەر شۆفێرانی تاکسی و پاس و خەڵکی شایستە دابەش بکرێت.
راشیگەیاندووە، ئەم بڕە بەنزینە هیچ پەیوەندییەکی بە حکومەتی هەرێمی کوردستانەوە نییە، بەدەرە لەو 50 هەزار بەرمیلە نەوتەی کە هەرێمی کوردستان بۆ پێداویستیی ناوخۆ بەکاری دەهێنێت.
باس لەوە دەکات، لەگەڵ وەزارەتی نەوتی عێراق قسەمان کردووە و ئەوان ئامادەیییان دەربڕیوە، بەڵام کارەکە پێویستی بە رەزامەندیی سەرۆک وەزیرانی عێراق هەیەو بڕیارە بۆ ئەو مەبەستە سەردانی عەلی زەیدی بکەین.
No Comment! Be the first one.