هەمیشە خەون نیشانەی جیهانی ناوەوەی مرۆڤ بووە و زۆر کەس لەو باوەڕەدان هەر وێنەیەک کە لە خەودا دەبینرێت پەیامێکی تێدایە. لە نێو ئەم خەونانەدا ئاو یەکێکە لە هێما هەرە گرنگەکان کە بە بینینی بە زۆری دووپات دەبێتەوە. ئاو لە خەودا نوێنەرایەتی ئارامی و پاکی و هەست و سۆزی ئەرێنی دەکات، بێگومان ئەمەش بەندە بەوەوە کە چۆن دەیبینیت.
ئایا بینینی ئاو لە خەودا باشە یان خراپ؟
ئەوەی کە بینینی ئاو لە خەودا نیشانەیەکی باشە یان خراپ، بە تەواوی پەیوەستە بەو فۆرم و بارودۆخەی کە ئاوەکە لە خەودا دەردەکەوێت. لە زۆرێک لە لێکدانەوەکاندا ئاو وەک هێمای ژیان و پاکی و ڕزق و ڕۆزی و ئارامی ناسراوە.
بەڵام ئەگەر هەمان ماددە بە شێوەی قوڕاوی، لێڵ، یان تۆفاناوی ببینرێت، زۆرتر بە مانای کێشە، نیگەرانی، یان هەست و سۆزی ئاڵۆزەوە دێت. ئەگەر لە خەودا ڕووبەڕووی ئاوێکی ڕوون و زەڵاڵ بوویتەوە، بەزۆری نیشانەی ئەرێنییە و دەتوانێت ئاماژە بێت بۆ دەستپێکردنی ڕۆژانی ئارام و بەرهەمدار.
لەکاتێکدا ئاوی پیس یان گێژاو هۆشدارییەکە لە بارودۆخی خراپ یان کێشە کە لەوانەیە لە داهاتوودا ڕووبدات. هەر لەبەر ئەم هۆکارەش بۆ لێکدانەوەیەکی دروست پێویستە گرنگی بە وردەکارییەکانی خەونەکە و ئەو هەستانە بدەیت کە تێیدا ئەزموونت کردووە.
بینینی ئاوی پاک
بینینی ئاوی پاک و زەڵاڵ لە خەودا، هێمای ڕاستگۆیی و ڕزق و ڕۆزی حەڵاڵە. زۆرێک لە لێکدەرەکان دەڵێن کە بینینی ئاوی زەڵاڵ لە خەودا دەتوانێت ئاماژە بێت بۆ سەرەتای قۆناغێکی پڕ لە ئارامی ڕۆحی و سەرکەوتنی بەردەوام. ئەگەر لە خەودا بینیت کە لە ئاوی زەڵاڵ دەخۆیتەوە یان دەستی لێدەدەیت، بەزۆری بە مانای تەندروستی جەستەیی و دەروونی دێت. هەروەها ئەم خەونە دەتوانێت ئاماژە بێت بۆ چارەسەربوونی کیشەکانت یان هاتنی نیعمەتێکی نوێ لە ژیانتدا.
بینینی ئاوی لێڵ
ئەگەر لە خەودا ئاوی قوڕاویت بینی، بەزۆری لێکدانەوەیەکی زۆر خۆشی نییە. ئەم جۆرە ئاوە نیشانەی کێشە، کێشەی دەروونی، یان دۆخێکە کە هیچ ڕوونکردنەوە و ڕاستگۆییەکی تێدا نییە. لێکدەری خەونەکان لەم بارەیەوە دەڵێن ئاوی لێڵ یان پیس هێمای نیگەرانی، ئیرەیی، یان ئاستەنگییە کە ڕەنگە لە ژیانی مرۆڤدا سەرهەڵبدەن.
هەروەها بخوێنەوە: پێڵاو لە خەودا مانای چییه
ئەگەر لە ئاوی قوڕاویدا بخنکێیت یان گیرت خوارد، ئەوە مانای ئەوەیە کە لە بارودۆخێکی سەختدا تێوەگلاویت یان بڕیارێک کە داوتە دەرئەنجامی خراپی دەبێت. بەڵام ئەگەر تەنها لە دوورەوە ئاوی قوڕاوی ببینیت ئەوە زیاتر بە مانای هۆشدارە. واتە پێویستە زیاتر لە پەیوەندی و ئیشەکانتدا وریا بیت.
بینینی ئاوی شین لە خەودا
بینینی ئاوی شین و ڕوون لە خەودا هێمایەکی ئەرێنی و خۆشە. ئەم خەونە بەزۆری ئاماژەیە بۆ ئارامی دەروونی و هەستکردن بە ئاسایش و داهاتوویەکی گەش. زۆرێک لە لێکدەرەکان دەڵێن بینینی ئاوی شین دەتوانێت نیشانەی سەرکەوتن لە ئیش و کاردا و ئارامی لەنێو خێزاندا و تەنانەت گەشتە خۆشەکانیش بێت.
بینینی بەلەم لە خەودا
یەکێک لەو شتانەی کە ڕاستەوخۆ پەیوەندی بە ئاوەوە هەیە بینینی بەلەمە لە خەودا. ئەگەر لە خەودا لەسەر بەلەمێکدای و لەسەر ئاوی زەڵاڵ و هێمن هاتۆچوو دەکەی، ئەوە نیشانەی ڕێگایەکی ڕاحەت و ئارامە لە ژیاندا یان نیشانەی ئارامی دەروونی و گەیشتنە بە ئامانجەکانت. بەڵام ئەگەر بەلەمەکە لەسەر ئاوی گێژاو یان قوڕاوی بووبێت، لێکدانەوەکە کەمێک جیاوازە و زیاتر ئاماژەیە بۆ ئەو سەختییانەی کە لە ڕێگای ژیاندا ڕووبەڕووت دەبنەوە.
بازدان یان پەڕینەوە لەسەر ئاودا
زۆرجار بینینی بازدان یان پەڕینەوە لەسەر ئاو لە خەودا هێمای هەوڵدان بۆ تێپەڕاندنی ئاستەنگی و کێشەکانە. ئەم خەونە پەیوەندی بە بوێریتەوە هەیە لە کاتی ڕووبەڕووبوونەوەت لەگەڵ کێشەکاندا یان ئارەزووی گۆڕینی بارودۆخە لە ژیانتدا. ئەگەر توانیت لە خەونەکەتدا بە ئاسانی بەسەر ئاودا باز بدەیت، ئەوە مانای گەیشتن بە ئامانجەکانت و تێپەڕاندنی کێشەکانە.
هەروەها بخوێنەوە: بینینی دار لە خەودا
بەڵام ئەگەر لە کاتی بازداندا بکەویتە نا بەڵام و ئاوەکەوە، ئەوە زیاتر نیشانەی گومان و بڕیاری هەڵەیە لە ژیانتدا. بە گشتی ئەم خەونە پەیامێکی هیوابەخشی تێدایە و نیشانەی ئەوەیە کە توانای تێپەڕاندنی ئاستەنگەکانت هەیە.
لێکدانەوەی خەونی ئاو لە ڕوانگەی یوسفی پێغەمبەرەوە
لە نێو هەموو پێغەمبەراندا نێوی یوسفی پێغەمبەر (د.خ) جێگەیەکی تایبەتی هەیە. لە زۆرێک لە ڕیوایەت و سەرچاوەکانی یوسفی پێغەمبەردا هاتووە کە خەونی بینینی ئاو نیشانەی نیعمەت و پاکی و کراوەییە. یوسفی پێغەمبەر ئاوی زەڵاڵی بە نیشانەی بەرەکەت و ڕزق و ڕۆزی حەڵاڵ لێکدەداتەوە، لە کاتێکدا ئاوی پیس یان لێڵ و ناڕوونی بە هۆشدارێک لەمەڕ سەختی و نیگەرانییەکاندا زانیوە.
لێکدانەوەی خەونی ئاو لەلایەن ئیبن سیرینەوە
بە گوتەی ئیبن سیرین، کە یەکێکە لە گەورەترین لێکدەرەوەکانی خەون، ئاو نیشانەی خەیر و نیعمەتە. بە پێی وتەی ئەو، بینینی ئاو لە خەودا دەتوانێت هەم نیشانەی خەیر و بەرەکەت و هەمیش دەتوانێت نیشانەی کێشە بێت، ئەمەش بەندە بەو حاڵەتەی کە ئاوەکەی تێیدا دەبینرێت. ئەگەر ئاوەکە زەڵاڵ و خاوێن بێت، بە گوتەی ئیبن سیرین، مانای ڕزق و ڕۆزی و تەندروستی و ئارامی زۆرە.
هەروەها خواردنەوەی ئەم ئاوە هێمای چێژوەرگرتنی مرۆڤە لە نیعمەتە ئیلاهییەکان و سەرکەوتن لە کارەکانیدا. بەڵام ئەگەر ئاوەکە لێڵ و قوڕاوی بوو، یان بۆنێکی ناخۆشی لێوە هات، ئەوە ئاماژەیە بۆ کێشە یان نەخۆشی.
No Comment! Be the first one.