هەندێک لە خەونەکان هەن کە زۆربەی لە ئێمە ئەزموونمان کردووە، ڕەنگە سەرنجڕاکێش بێت ئەو بابەتەکەی کە بینینی خەون هەڵگری چ هەواڵێکە بۆ ئێمە. بینینی زێڕ لە خەودا یەکێکە لەو شتانەی کە هەم لێکدانەوەی باش و هەمیش لێکدانەوەی خراپی هەیە.
لە یەکەم نیگادا، ڕەنگە نیشانەی بەختەوەری، نیعمەت، یان گەیشتن بە ئاواتەکان بێت، بەڵام لە لێکدانەوەی خەودا، زێڕ هەمیشە مانایەکی بەردەوامی نییە. هەندێک جار دەتوانێت هێمای زیادەخوازی یان تەنانەت گیروودەیی زیاد لە ڕادەبێت بێت بە پرسە دونیاییەکانەوە.
بینینی زێڕ و زیو لە خەودا باشە یان خراپە؟
بینینی ئاڵتوون و زیو لە خەودا یەکێکە لەو خەونانەی کە دەتوانێت هەم باش بێت و هەم خراپ بێت. هەندێک جار نیشانەی سامان و خۆشی و شتە باشەکانە و هەندێک جار دەتوانێت بەهۆی نیگەرانی داراییەوە بێت.
هەروەها بخوێنەوە: نان لە خەودا مانای چییه
ئەگەر مرۆڤ خۆی لە ناوەڕاستی زێڕ و زیودا ببینێت، ئەوە نیشانەیەکی باشە و بە واتای هەستکردن بە بەها و ڕەزامەندی دێت. بەڵام ئاڵتون هەمیشە نیشانەی خۆشی نییە و هەندێکجاریش هۆشدارێکە لەمەڕ لووتبەرزی یان گیروودەیی زیاد لە ڕادە.
هەر لەبەر ئەم هۆکارەش لە لێکدانەوەی خەوی زێڕدا، پێویستە هەموو وردەکارییەکان لەبەرچاو بگیردرێت بۆ ئەوەی لە باش و خراپەکەی تێبگەین.
بینینی بازنی ئاڵتون لە خەودا
بینینی بازنی ئاڵتوون لە خەودا نیشانەی بەختەوەری و سۆز و پەیوەندییەکی زۆر نزیک و دۆستانەیە. بۆ خانمان ئەم خەونە وەک وەرگرتنی دیاری لە لایەن خۆشەویستەوە لێکدەدرێتەوە. لە لێکدانەوەی نەریتیشدا دەوترێت کە بازنی زێڕین هێمای چاکە و ئاسوودەیی لە ژیانی خێزانیدایە. بەڵام ئەگەر پیاوێک خۆی بە بازنی ئاڵتوونەوە ببینێت، ئەوە بە واتای بەرپرسیارێتییەکی نوێ یان تەنانەت هاوسەرگیریش دێت.
دۆزینەوەی زێڕ
کەم نین ئەو کەسانەی کە پاش بینینی خەونی دۆزینەوەی زێڕ بە هەستێکی خۆشەوە لە خەو هەڵدەستن. خەونێکی لەو شێوەیە مانایەکی زۆر باشی هەیە و هەواڵ لە ڕووداوە ئومێدبەخشەکان لە داهاتوودا دەدات. بێگومان هەندێک لە شرۆڤەکاران ئاماژەیان بەوە کردووە کە ئەگەر کەسێک لە خەودا زێڕ بدۆزێتەوە، بەڵام نەتوانێت هەڵبگرێت، ئەوە بە واتای لەدەستدانی دەرفەتی باش دێت.
بینینی ئەنگوستیلە
ئەنگوستیلە نیشانەی متمانەیە و کاتێک لە زێڕ دروست دەکرێت، بە واتای پێگەی کۆمەڵایەتی یان سامان دێت. بۆ ژنان، ئەم جۆرە خەونە نیشانەی هێزە لە پەیوەندی سۆزداریدا یان وەرگرتنی دیاری لە خۆشەویستەکەی. بۆ پیاوان ئەم خەونە کەمێک جیاوازە و بینینی بە واتای سەختی لە داهاتوودا دێت. ئەگەرچی ئەمڕۆ خەونێکی لەو شێوەیە زیاتر وەک پێشکەوتنی مرۆڤ لە ژیاندا لێکدەدرێتەوە و نیشانەیەکی خراپ نییە بۆ پیاوان.
بینینی تاجی زێڕ
کاتێک لە خەودا تاجی زێڕ لەسەر سەری کەسێکە، نیشانەی شەرەف یان گەیشتن بە پێگەیەکی گەورەیە. تاج هێمای دەسەڵاتە و ئەگەر زێڕیش بێت، ئەوە بە مانای سەرکەوتن و بەختەوەری دێت.
هەروەها بخوێنەوە: بینینی ترێ لە خەودا
لە هەندێک لە لێکدانەوەکاندا دەوترێت ئەگەر ژنێک خۆی بە تاجی زێڕینەوە لە خەودا ببینێت، بە زوویی دەنێو خێزان و کەسانی دەوروبەریدا ڕێزی لێدەگیرێت.
لێکدانەوەی خەونی ئاڵتوون لە ڕوانگەی شروڤەکارانەوە
یوسفی پێغەمبەر
لە لێکدانەوەی خەودا لە ڕوانگەی یوسفی پێغەمبەرەوە، بینینی زێڕ نیشانەی چاکە و نیعمەتە، بە تایبەت ئەگەر مرۆڤ لە خەودا هەست بە ئاسوودەیی و خۆشی بکات. زێڕ لەم لێکدانەوەدا هێمای نیعمەت و کەرامەتە. ئەگەر کەسێک ببینێت زێڕی پێدەدرێت، ئەوا هەواڵە لە ڕزق و پێگەی باڵا کە لە داهاتوودا ڕوو دەدات.
ئیبن سیرین
ئیبن سیرین کە یەکێکە لە بەناوبانگترین وەرگێڕەکانی خەو، بە دوو شێوە بینینی ئاڵتوون لە خەودا لێکدەداتەوە. ئەو دەڵێت ئەگەر ژنێک لە خەودا زێڕ ببینێت، لێکدانەوەکەی خۆشبەختی و رازاندنەوە و ڕێزگرتنە. بەڵام بۆ پیاوان بەگشتی زێڕ نیشانەی خەم و قەرزە یان تووشی بەرپرسیارێتی نەخوازراو دەبن.
ناوبراو دەڵێت زێڕ دەتوانێت هەم خۆشی بێت و هەم نیشانەی تاقیکردنەوە. بە گشتی بستراوە بەوەو کە خەونبینەکە لە چ دۆخ و لە چ هەستێکدا خەونەکە دەبینێت.
دانیالی پێغەمبەر
دانیالی پێغەمبەر، لێکدانەوەی زێڕ لە خەودا زیاتر بە بەهای ڕۆحی مرۆڤەکان دەزانێت نەک سەروەت و سامان. ناوبراو دەڵێت ئەگەر کەسێک خەون بە زێڕەوە ببینێت، ئەوا بە قەبارەی ئیمان و نیەتی، لێ بەهرەمەند دەبێ.
لە لێکدانەوەی دانیالدا ئەگەر زێڕ لەناو بچێت یان لەدەست بدرێت، ئەوە بە واتای دەرفەتێک دێت کە ڕەنگە لەدەست بچێت.
No Comment! Be the first one.