چاویارنیوز _ ڕۆژنامەنووس و نووسەرێکی ناسراوی فەرەنسی لێدوانێکی سەرنجڕاکێشی سەبارەت بە ئاستی هەڵبژاردەی نیشتمانی ئێران لە مۆندیالدا، پێشکەش کردووە.
ئاستی هەڵبژاردەی تۆپی پێی ئێران لە جامی جیهانی 2026، لە میدیا نێودەوڵەتییەکاندا ڕەنگدانەوەی هەبووە و هەرچەندە نەیتوانی لە قۆناغی کۆمەڵەکانەوە پێشبکەوێت، بەڵام ئێستا ڕۆژنامەنووس و نووسەرێکی فەرەنسی ستایشی یاریزانە ئێرانییەکانی کردووە.
ڕۆماین مۆلینا، ڕۆژنامەنووس و نووسەری ناسراوی فەرەنسی، بە بڵاوکردنەوەی پۆستێک لە هەژماری فەرمی خۆی لە تۆڕی کۆمەڵایەتی ئێکس، کاردانەوەی بەرامبەر بە دوورکەوتنەوەی باوەڕپێنەکراوی هەڵبژاردەی ئێران لە خولی ٢٣ی ئەم کێبڕکێیە (بەهۆی کەمبوونەوەی جیاوازی گۆڵ لە سەنیگال) نیشان دا.
مۆلینا لەو پۆستەدا نووسیویەتی: هەڵبژاردەی نیشتمانی ئێران لە مۆندیالدا بێ کەموکوڕی بوو، چ لە ناو یاریگا و چ لە دەرەوەی یاریگا. هیچ هەڵسوکەوتێکی نەشیاویان نەبوو، ئێرانییەکان زۆر باشن لە پەیوەندیکردندا، خۆبەخشییەکی باوەڕپێنەکراو لە یاریگادا، خۆڕاگرییەکی چاوەڕواننەکراو لەلایەن نەوەیەکی تەمەن سی و سەرووترەوە، تەنانەت ئاستێکی تاڕادەیەک بەهێز بەرامبەر میسر، تیپێک کە شایەنی زیاتر بوو.
ئەنجامەکە بە توندی بێڕەحمانە، بە تایبەت بە لەبەرچاوگرتنی هەموو ئەو ئاستەنگانەی کە هەڵبژاردەی نیشتمانی پێش و لە کاتی پاڵەوانێتییەکەدا دەبوو مامەڵەیان لەگەڵدا بکات، چ لەناو یاریگا و چ لە دەرەوەی یاریگا.
سەختترین بەش هێشتا لە ئارادایە، کێشە پێکهاتەییەکان لە تۆپی پێی ئێراندا هەر وەکوو خۆی ماوەتەوە، وەک نەبوونی سیاسەتێکی گەورە، ڕاهێنانی ڕاهێنەر و یاریزانە لاوەکان و هاوشێوەکانی.
چۆن دەکرا یەکێک لە گەورەترین وڵاتانی تۆپی پێی کیشوەری ئاسیا، ئەوەندە لە دواوە بێت کە سەردەمانێک گەورەترین هێزی بوو؟
ناوبرا ئاماژەی بەوەشکردووە، لەکاتێکدا داهاتوو نادیارە، بەڵام بێگومان ئەم تیپە دادپەروەری لەگەڵ مێژووی خۆی و بەناوبانگترین پاڵەوانێتی (مۆندیالی)دا کردووە، پێشبڕکێیەک کە لە بەرامبەردا بەناوی سیاسەتەوە هیچ ڕەحمێکی بەم تیپە نەکردووە.
No Comment! Be the first one.