“مارسکا”؛ هەموو ڕاهێنەرێک زۆری پێی خۆشە لەگەڵ “ڕودری” کار بکات.

چاویارنیوز _ “ئێنزۆ مارسکا” قسە و باسەکانی سەبارەت بە داهاتووی ڕۆدری بە ناگرنگ زانی و جەختی لەوە کردەوە کە یاریزانە ئیسپانییەکە لە ئێستادا سەرنجی لەسەر پشوودان و چاکبوونەوەی لە نەشتەرگەرییەکەیدایە.

مارسکا لە وەڵامی پرسیارێکدا سەبارەت بە ئەگەری جێهێشتنی مانچستەر سیتی لە لایەن “ڕۆدری”ەوە، وتی: لە ئێستادا هەموو شتێک تەنها قسە و باسە، ڕۆدری دووشەممەی ڕابردوو نەشتەرگەری بۆ کراوە و خۆشبەختانە هەموو شتێک بە باشی بەڕێوەچوو، ئێستا چەند ڕۆژێک پشوو دەدات و دوای پشووەکەی دەگەڕێتەوە بۆ تیپەکە.

ڕاهێنەری سیتی هەروەها باسی لە ئەگەری گفتوگۆکانی لەگەڵ هوگۆ ڤیانا بەڕێوەبەری وەرزشی یانەکە کرد سەبارەت بە درێژکردنەوەی گرێبەستەکەی ڕۆدری و وتی: وەک پێشتر گوتم نیگەرانی سەرەکی ڕۆدری دوای کۆتایی هاتنی وەرزی یاریکردن بوو لە مۆندیال، لە ئێستادا پشوو دەدات و هیچ گفتوگۆیەکی تایبەتمان لەسەر گرێبەستێکی نوێ نەکردووە.

مارسکا لە درێژەی قسەکانیدا ڕۆڵی ڕۆدری لە پلانەکانی بۆ وەرزی یەکەمی وەک ڕاهێنەری مانچستەر سیتی بە زۆر گرنگ وەسف کرد و زیادی کرد: ڕۆدری یاریزانێکی زۆر گرنگە، لە یەکەم کۆنگرەی ڕۆژنامەوانیمدا وتم هەموو ڕاهێنەرێکی جیهان زۆر پێی خۆشە یاریزانێکی وەک ڕۆدری هەبێت، چونکە یاریزانێکی تۆپی پێی ئاست بەرزە، ئامادەبوونی بۆ من و یانەکە و هەموو کەسێکی تیپەکە زۆر گرنگە.

ناوبراو وتیشی: بەڵام بۆ ئێستا گرنگترین شت ئەوەیە کە پشوویەکی باشی هەبێت، چونکە کاتێک وەرز دەستپێدەکات، دەبێت نزیکەی سێ ڕۆژ جارێک یاری بکەین.