چاویارنیوز _ ڕۆژنامەی مارکا بڵاویکردەوە، بارسێلۆنا بەو پێیەی کە ماوەی ڕۆبێرت لیڤاندۆڤسکی لە بەرشەلۆنە بەرەو کۆتایی دەڕوات، بەنیازە بە زووترین کات و پێش دەستپێکردنی مۆندیال گرێبەستی فران تۆرێس درێژ بکاتەوە.
کارگێڕانی یانەی بەرشەلۆنە فران تۆرێس بە یەکێک لە بژاردە گرنگەکان بۆ پرۆژەی هێرشبەری داهاتووی یانەکە دەزانن و پێیان وایە ئەو یاریزانە دەتوانێت ڕۆڵێکی بەرچاوتر لە تیپەکەدا ببینێت دوای سەردەمی ڕۆبەرت لیڤاندۆڤسکی. ڕۆژنامەی مارکا ئاماژەی بەوەشکردووە، لە چەند مانگی ڕابردوودا گومانی زۆر لەناو بەرشەلۆنەدا هەبووە سەبارەت بە بەردەوامبوونی فران تۆرێس. تەنانەت بەرشەلۆنە هەوڵی دابوو ئەویش وەک بەشێک لە ئەگەری دانوستانەکان بۆ ڕاکێشانی جولیان ئەلڤارێز بخاتە نێو یاریگاکانەوە، ئەمەش پرسێکە کە وادیارە هێرشبەرە ئیسپانییەکەی بێزار کردبێت.
دەوترێت فران تۆرێس دڵخۆش نەبووە بەوەی ناوەکەی وەک بەشێک لە گرێبەستەکەی جولیان ئەلڤارێز باس دەکرێت و ئەمەش کەشوهەوای دانوستانەکان و درێژکردنەوەی گرێبەستەکەی ئاڵۆزتر کردووە. هەر لەبەر ئەم هۆکارەش دەبێت ئێستا هەردوولا هەر لەسەرەتاوە دەست بە دانوستانەکان بکەن. فران تۆرێس لەم ساڵانەی دواییدا کاتێکی پڕ لە گێژاوی لە بەرشەلۆنە بەسەر بردووە. لە هەندێک کاتدا یاریزانێکی سەرەکی بووە لە هێرشی تیپەکەدا، بەڵام لە کاتەکانی دیکەدا ڕووبەڕووی ڕەخنە و گومان بووەتەوە لە یەکگرتووییەکەی. بەڵام هێشتا ستافی ڕاهێنەرایەتی بەرشەلۆنە متمانەیان بە توانای تەکنیکی و نەرمی لە هێرشبردنیدا هەیە.
No Comment! Be the first one.