ئامارێکی مەترسیدار لە تورکیا

چاویارنیوز _ بەپێی ئامارێكی كۆمەڵەی مانگی سەوزی توركی، ساڵانە بەهۆی ئالودەبوون بەماددەی هۆشبەرو جگەرەکێشان و قوماركردن و مەی نۆشینەوە لە ئەنقەرە، بڕی 78 ملیار دۆلاری لەكیس دەچێت.
بەپێی ڕاپۆرتەکە، ساڵانە بڕی 24 مليار دۆلار بۆ توتن وجگەرەكێشان و نزیكەی 9 مليار دۆلار بۆ ماددە كهولییەكان و 5 مليار دۆلار بۆ ماددەی هۆشبەرو نزیكەی 40 مليار دۆلاریش بۆ قوماركردن دەڕوات و بەوەش لەیەك ساڵدا بڕی 78 ملیار دۆلار لەكیس توركیا دەچێت ئەمە جگە لەكاریگەرییە خراپەكانی ئالودەبوون لەسەر تەندروستیی گشتی و سەلامەتیی ژینگە.
بەپێی هەمان راپۆرت لەدوو دەیەی رابردودا بەكاربردنی جگەرە لەتوركیا بەڕێژەی لە 39% بەرز بووەتەوەو پاشماوەی جگەرەش لەساڵێدا نزیكەی پێنج هەزار ئۆتۆمبیلی بارهەڵگر پڕدەكاتەوە.
ئاماژە بەوەشكراوە لە 40%ی ئەو ئاگرانەی لەتوركیا دەكەونەوە پەیوەندی بەجگەرەوە هەیە كە زیانەكانی ساڵانە دەگاتە 4 ملیار دۆلار.
هەرچی مەی و ماددە كهولییەكانیشە ساڵانە 1 .3 مليار لیتردەخورێتەوە كە تێچوەكەی دەگاتە 5 مليار دۆلار و زیان و لێكەوتە ماڵییەكانیشی دەگاتە 15 مليار دۆلار