چاویارنیوز ـــ ڕەنگە کریستیانۆ ڕۆناڵدۆ لە هاوینی داهاتوودا یانەی نەسر جێبهێڵێت، گواستنەوەی بۆ خولی ئەمریکی یان تەنانەت گەڕانەوە بۆ تۆپی پێی ئەوروپا دوو بژاردەی جدییە بۆ ئەو سوپەرستاری پورتوگالییە.
هێرشبەری پێشووی یانەی ڕیال مەدرید و مانچستەر یونایتد، بڕگەی ئازادکردنی 50 ملیۆن یۆرۆی لە گرێبەستەکەیدا هەیە کە لەکاتی کردنەوەی دەروازەی گواستنەوەی هاوینەدا کارا دەبێت.
بەگوێرەی ڕۆژنامەی ڕیکۆردی پورتوگالی، ڕۆناڵدۆ تادێت “ناڕازی” دەبێت لە دۆخی خۆی لە یانەی نەسر و ئەگەری ڕۆیشتنی لە هاویندا هەیە. ئەستێرە تەمەن 41 ساڵەکە هیچ نیازێکی وازهێنانی نییه و تاوتوێی بژاردەی جۆراوجۆر بۆ درێژه به کارەکانی دەکات. یەکێک لە سیناریۆکان گواستنەوەی بۆ ئەمەریکایە، کە جارێکی دیکە دەتوانێت ڕووبەڕووی لیۆنێل مێسی ڕکابەری دێرینی خۆی ببێتەوە کە بۆ یانەی ئینتەر میامی یاری دەکات. هەروەها گەڕانەوەی بۆ ئەوروپا وەک بژاردەیەکی ئەگەری پێشنیار کراوە، هەرچەندە شوێنی مەبەستی بە وردی ڕوون نییە.
دەوترێت ناڕەزایی سەرەکی ڕۆناڵدۆ ئەو مامەڵەیەیە کە لەلایەن سندوقی وەبەرهێنانی گشتی سعودیە (PIF)وە دەکرێت، کە خاوەنی نەسر و ئیتیحاد و هیلال و ئەهلییە. ڕۆناڵدۆ پێی وایە یەکێتی تۆپی پێی ئینگلتەرا هەوڵدەدات دۆخێک لە بەرژەوەندی هیلال دابنێت بۆ ئەوەی نازناوی خولی پڕۆفشناڵی سعودیە بباتەوە، هاوکات کەریم بنزیما هاوڕێی پێشووی لە یانەی ئیتیحادەوە پەیوەندی بە یانەی هیلالەوە کردووە.
ڕۆناڵدۆ تا ئێستا لەگەڵ نەسر نازناوی خولی عەرەبستانی نەبردۆتەوە، بەڵام هەست دەکات شایەنی ڕێزی زیاترە بە لەبەرچاوگرتنی ڕۆڵی لە هێنانی سەرنجی جیهانی بێ وێنە بۆ خولەکە. هەروەها وەک باڵیۆزی پاڵێوراو بۆ مۆندیالی 2034 لە سعودییەدا دەستنیشانکراوە، بەڵام وەک ناڕەزایەتییەک ڕەتیکردەوە یاری بۆ یانەی نەسر بکات و لە یارییەکەی ئەم دواییەی تیپەکەی بەرامبەر ڕیاز بە ئەنجامی 1-0 بەشداری نەکرد.
No Comment! Be the first one.