بۆ چارەسەری پرسی کورد دەبێت دەستوور بگۆڕدرێت

چاویارنیوز ـ مەسعود ئۆزەر ڕۆژنامەنووس ڕایگەیاندووە، لیژنەکەی پەرلەمان بۆ پرۆسەی ئاشتی لەتورکیا ئامادەکاریی بۆ گۆڕین‌و هەموارکردنەوەی ئەو یاساو دەستورە دەکات کە بەهۆی پرۆسەی ئاشتییەوە دەبێت بگۆڕدرێن، هاوکات ئەو لیژنەیە پێشنیازەکە پێشکەشی پەرلەمان دەکات‌و دەبێت 301 پەرلەمانتار دەنگ لەسەر پێشنیازەکە بدەن تاوەکو پەسەند بکرێت.
وتیشى: بۆ پرسی کورد لەتورکیا، کارەکانی ئەو لیژنەیە بریتین لە؛ چۆنیەتی بەشداریکردنی پەکەکە لەپرۆسەی سیاسی تورکیا، داهاتوی زمانی کوردی لەناوەندەکانی خوێندن‌و دانپێدانان بەنەتەوەی کورد وەکو بەشێک لەدەوڵەتی تورکیا.
ئاماژە بەوەش دەکات، ئەو 51 ئەندام پەرلەمانتاره‌ى لە لیژنەکەدا هەن، شارەزاییەکی باشییان لەمێژوو و پرسی کورد هەیەو پشتگیریی سیاسیشیان هەیە، بۆیە بۆ بەدەستهێنانی داخوازییەکانی کورد، لیژنەیەکی گرنگە.
ڕاشیگەیاندووە، ئەو هەلومەرجەی ئێستا بۆ پرۆسەی ئاشتی لەتورکیا هەیە جیاوازەو پێشتر بەو شێوەیە نەبوو، چونکە ئەمجارە دەوڵەت باخچەلی سەرۆکی گشتیی مەهەپەو ئەوانە لەدەسەڵاتن پشتگیریی پرۆسەکە دەکەن‌و تێگەیشتن کە پرسی کورد دەبێت لەڕیشەوە چارەسه‌ربکرێت.
ئەو پارێزەرە ئاشکرایکرد، سەرەتا داخوازییەکانی کورد لەڕوی یاسایی‌و دەستورییه‌وه‌ جێبەجێبکرێن، دوای ئەوەی پرۆسەی ئاشتی سەرکەتووبوو، دەبێت بڕیارێک بۆ لێخۆشبونێکی گشتیی دەربچێت، بۆ ئازادبونى ده‌میرتاش-یش له‌سه‌ره‌تادا، پێموایە، بەو هەلومەرجەی ئێستا هەیە، مانگی داهاتوو ئازاد دەکرێت”.