ئەفسانەی ئینگلیزی: هیچ لاوازییەک لە ئارسناڵدا نابینم

چاویارنیوز ــ ئالان شیرەر ئەفسانەی ئینگلیزی پێی وایە دواجار ئارسناڵ دەتوانێت ئەمساڵ نازناوی پریمەرلیگ بەدەست بهێنێت دوای 22 ساڵ چاوەڕوانی.

شیرەر ڕایگەیاندووە کە هیچ لاوازییەک لە تیپەکەی میکێل ئارتێتادا نابینێت؛ بە تایبەتی دوای بردنەوەی گەنەرز لە بێرنلی کە جیاوازییەکەی لە لوتکەی ڕیزبەندیدا زیادکرد. نۆیەمین سەرکەوتنی لەسەریەک و حەوتەمین سەرکەوتنی لەسەریەک لە سەرجەم پاڵەوانێتییەکان، باوەڕی زۆرێک لە هاندەران و شارەزایان بەهێزتر کردووە کە ئەمە باشترین چانسی تیپەکەیە بۆ کۆتاییهێنان بە حەسرەتی پاڵەوانێتی.

ئارسناڵ بە گۆڵەکانی ڤیکتۆر یوکریش و دیکلان ڕایس لە یاریگای تۆرف مۆر جیاوازییەکەی لە پێشەنگی ڕیزبەندی بۆ حەوت خاڵ بەرزکردەوە. بەرگری تۆکمەی تیپەکەی ئارتێتا وەک بەردی بناغەی سەرکەوتنەکانیان دەمێنێتەوە، ژمارەی پێوانەیی یانەکەی یەکسانکردەوە بۆ گۆڵە خاوێنەکانی یەک لە دوای یەک و ئێستاش لە ڕێڕەویدایە بۆ یەکسانکردنەوەی ژمارەی پێوانەیی چێڵسی لە ساڵانی 2024/2025، کاتێک بلوز تەنها 15 گۆڵی لێکرا.

ئالان شیرەر، گۆڵکاری هەموو کاتەکانی پریمەرلیگ، ستایشی هێزی ئارسناڵی کرد لە هەموو قۆناغەکاندا و وتی: هیچ لاوازییەک لەم تیپەدا نابینم، جارێکی دیکە لە لێدانی سزا گۆڵیان تۆمارکرد، بەڵام ئەوە تەنها ئەوە نییە، من حەزم لەو شێوازەیە کە کالافیۆر و تیمبەر لە پێشەوە بەکاری دەهێنن، ئەمەش سوودێکی ژمارەیییان پێدەبەخشێت و ئەمەش دەبێتە هۆی ڕەخساندنی هەل و دەرفەت.