چاویارنیوز ـــ لیۆنێل مێسی بە تەواوی ئەگەری گەڕانەوەی بۆ بەرشەلۆنە وەک یاریزان ڕەتکردەوە، هەروەها جەختی لەوە کردەوە کە وەرزەکەی لە نیوکەمپ کۆتایی هاتووە و ڕەنگە لە داهاتوودا تەنها لە ڕۆڵی ڕاهێنەرایەتیدا بگەڕێتەوە بۆ یانەکە.
لە زاری ئەلفرێدۆ مارتینێزەوە، لیۆنێل مێسی ئەفسانەی ئەرجەنتینی تۆپی پێی جیهان ڕایگەیاندووە، گەڕانەوەی بۆ بەرشەلۆنە وەک یاریزان بە تەواوی ڕەتدەکرێتەوە. لە ئێستادا گرێبەستێکی درێژخایەنی لەگەڵ ئینتەر میامی هەیە کە تا ساڵی ٢٠٢٨ کارا دەبێت و پێی باشە بە تاک هەڵسەنگاندن بۆ هەر وەرزێک بکات.
مێسی کە لەم دواییانەدا سەردانێکی چاوەڕواننەکراوی بۆ نیوکەمپ ئەنجامدا، لەلایەن بەڕێوەبەرانی یانەکەوە پێشوازییەکی گەرمی لێکرا، بەڵام کۆبوونەوەکە تەنیا سۆزداری بوو و هیچ دانوستانێک بۆ گەڕانەوەی وەرزشی ئەنجام نەدرا. هاوکات خوان لاپۆرتا، سەرۆکی بەرشەلۆنە وەڵامی سەردانەکەی دایەوە و ڕایگەیاند، گەڕانەوەی مێسی وەک یاریزان شتێکی ناعەقڵانییە و تەنها ئەگەر بیەوێت دەتوانێت ڕۆڵی کارگێڕی یان باڵیۆزی یانەکە ببینێت.
مێسی دووپاتی کردەوە کە دڵخۆشە بە ژیان لە ئەمەریکا و هەروەها کەشوهەوای ئارامتری خولی ئینگلیزی و دەیەوێت ژیانی پڕۆفشناڵی خۆی بەبێ فشارەکانی ئەوروپا تەواو بکات. هەروەها ئاماژەی بەوەشکردووە، ئەگەر بگەڕێتەوە بەرشەلۆنە، ئەوە بۆ یارمەتیدانی یانەکە دەبێت لە دەرەوەی یاریگا نەک وەک یاریزان.
بڕیارەکەی مێسی کۆتاییەکی یەکلاکەرەوەیە بۆ ئەو قسە و باسانەی کە لە دوای ڕۆشتنی لە ساڵی ٢٠٢١ەوە پەرەی سەندووە، ئەو کاتە بەهۆی کێشەی داراییەوە ناچار بوو بەرشەلۆنە بەجێبهێڵێت و دوای ماوەیەک لە پاریس سانجێرمان پەیوەندی بە ئینتەرمیامیەوە کرد. بە لەبەرچاوگرتنی ئەوەی کە مێسی ئێستا تەمەنی 38 ساڵە و سەرنجی لەسەر ژیانی خێزانی و پڕۆژە وەرزشییەکانە لە ئەمریکادا، گەڕانەوە بۆ تۆپی پێی ئەوروپا بەتایبەتی لەسەر ئاستی ڕکابەری، چیتر لە پلانەکانیدا نییە.
No Comment! Be the first one.