چاویارنیوز _ ڕزگار حەمە خدر ڕاوێژکاری وەزارەتی کشتوکاڵ لەبارەی ڕێژە و بڕی باران بارینەوە لەهەرێمی کوردستان وتی: بەپێی زانیارییە کەشناسییەکانی ئێمە لە هەولێر و سلێمانی، هەڵەبجە و ئیدارەی گەرمیان، هێشتا پەڵەی نەداوە و لەم ناوچانەدا ڕێژەی بارانبارین نەگەیشتووەتە ئاستی پێویست، چونکە بۆ ئەوەی زەوی بە تەواوی تێرئاو بێت و پەڵە بدات، پێویستە لە نێوان 40 بۆ 60 ملم بارانی لێ ببارێت.
ئاماژەی بەوەشکردووە، بە دەربڕینە کوردەوارییەکە “حەقە پەڵە” لە ڕۆژی “5ی تشرینی دووەمە، بەڵام ئەو بارانەی ئەمساڵ لە شەوی 14 تا 15ی تشرینی دووەم باری، بەراورد بە ساڵی ڕابردوو زۆر دواکەوتووە و کەمیش بووە و زەوی تێرئاو نەکردووە.
لە چەند شوێنێکی هەرێم کوردستان پەڵەی داوە
ڕاوێژکارێک لە وەزارەتی کشتوکاڵ ئاماژە بەوەدەکات: لە ناوچەکانی دهۆک و زاخۆ و سۆران و ڕاپەڕین پەڵەی داوە، ئەوەش بەپێی داتا و زانیارییەکانی کەشناسی.
No Comment! Be the first one.