چاویارنیوز _ بەختیار شاوەیش ئەندامی خولی پێشووی ئەنجومەنی نوێنەران وتی: سەرکردەکانی سوننە هەرچی وشەی ناشیرینە بەیەکتریان وت، تەنانەت قسەکانیان گەیشتە سەر باسکردنی خائین و خۆفرۆشی و جاسوسی بۆ بێگانە و دەوڵەتانی دەرەوە. ئەمە جگە لەوەی یەکتریان دەشوبهان بەورچ و رێوی گەڕ و بەکارهێنانی دەستەواژەی ئاست زۆر سووک، بەڵام کاتێک بەرژەوەندییان لەیەکگرتندا بینی، سەد پلە لەوەی پێشوویان پاشگەز بوونەوە. خۆ ئەگەر ئەمە دیوێکی تری سیاسەت بێت کە کردویانە ، ئەوا لەدیوەکەی تریدا پێکەوە بەرژەوەندیی سوننەکانیان لەبەرچاوگرتووە و نایانەوێ لەم قۆناغەی عێراق دوابکەون.
باسی لەوەشکردووە، وەک دەزانین هێزە شیعییەکانیش پێشتر یەکگرتوویی و یەکهەڵوێستیی خۆیان لەناو چوارچێوەی هەماهەنگی دووپاتکردەوە و وەفدیان ناردە هەرێم.
ئاماژە بەوەشدەکات، ئێستا ئەوەی ماوەتەوە تەنها هێزە سیاسییە کوردستانییەکانە کە پەرتەوازەن و ماڵێکی شلۆقیان هەیە و هەموویان سیاسەتی جیاوازیان هەیە، لەکاتێکدا پێویست بوو لایەنە کوردستانییەکان لەهەموو کات زیاتر یەکهەڵوێست و یەکگرتوو بوونایە.
تەنها کورد بە پەرتەوازەیی ماوەتەوە
ئەندامێکی خولی پێشووی ئەنجومەنی نوێنەران دەڵێت: سەرکردە سیاسیە براوەکانی سوننە، پێکەوە کۆبوونەوە و سەرەنجام یەکیانگرت لەچوارچێوەی ئەنجومەنێک بەناوی ئەنجومەنی سیاسیی سونە. ڕاشیگەیاندووە، ئەو سەرکردانەی سوننە هیچ نەما لەقسەی ناشرین و سوکایەتی وتاوانبارکردنی یەکتر نەیڵێن بەیەکتر، بەڵام دواجار یەکیانگرت.
No Comment! Be the first one.