چاویارنیوز _ لە ڕاگەیەنراوێکدا کە چوارچێوەی هەماهەنگی بڵاویکردۆتەوە، تێیدا هاتووە ” لە نووسینگەی هادی عامری، چوارچێوەی هەماهەنگی کۆبونەوەی ئاسایی ژمارە 251ی خۆی بەست، بەشداربووانی کۆبوونەوەکە تاوتوێی دواین پێشهاتەکانی سەر ساحەی سیاسی عێراقیان کردووە تایبەت بە ئیستیحقاقە دەستووری و سیاسییەکانی قۆناغی داهاتوو. هەروەها چوارچێوەی هەماهەنگی پیرۆزبایی لە هێزە سوننییەکان کردووە بۆ دروستکردن و پێکهێنانی “ئەنجومەنی سیاسیی نیشتمانی” و ئەو هەنگاوەی بە “نیشانەیەکی ئەرێنی بەرەو بەهێزکردنی کاری سیاسیی ڕێکخراو و یەکخستنی دیدگا نیشتمانییەکان” وەسفکردووە”.
بەپێی ڕاگەیەنراوەکە، چوارچێوە، ڕاپۆرتی ئەو دوو لیژنە سەرکردایەتییەی هەڵسەنگاندووە کە چوارچێوە لە کۆبونەوەی پێشوودا پێکیهێنابوون، هەروەها ڕێککەوتن کرا لەسەر بەردەوامیی کارەکانیان و تەواوکردنی ئەرکەکانیان لە هەڵسەنگاندنی کاندیدەکان و تاوتوێکردنی ئیستیحقاقە نیشتمانییەکان.
چوارچێوەی هەماهەنگی ڕاگەیەنراوێکی بڵاوکردەوە
لەدوای ڕاگەیاندنی ئەنجامەکانی هەڵبژاردن، چوارچێوەی هەماهەنگی دووەم کۆبوونەوەی خۆی ئەنجامدا و تاوتوێی ناوی کاندیدەکانی سەرۆک وەزیرانیان کرد.
No Comment! Be the first one.