چاویارنیوز _ ڕەعد ڕەفعە پرۆفیسۆر و مامۆستای زانکۆ ڕایگەیاند: بەپێچەوانەی فرۆشتی نەوتی کوردستان لەلایەن حکومەتی هەرێم، کە کەمترین زانیاریی لەسەر داهاتەکەی بڵاودەکردەوە، بەڵام کۆمپانیای سۆمۆ وردەکاریی فرۆشتن و داهاتی نەوتی هەرێم بڵاودەکاتەوە و دەڵێت “مانگی ڕابردوو شەش ملیۆن بەرمیل نەوتی هەرێمی کوردستانی فرۆشتووە”.
بەپێی داتاکانی کۆمپانیای سۆمۆ، نەوتی کوردستان بەنرخی برێنت، هەندێجار گرانتریش دەفرۆشرێت لەبازاڕەکاندا، لەکاتێکدا پێشتر حکومەتی هەرێم 12 بۆ 15 دۆلار، نەوتی هەرزانتر دەفرۆشت، پاساوەکەشی ئەوەبوو کوالێتی نەوتی کوردستان لەخوارەوەیە، بەڵام سۆمۆ دەریخست ئەو قسانە ناڕاستە، ئەوە جگە لەوەی پێشتر حکومەتی هەرێم نیوەی داهاتی نەوتی بە کۆمپانیاکان دەدا، لەکاتێکدا ئێستا حکومەتی عێراق تەنها 16 دۆلاریان پێدەدا، بەمەش داهاتێکی زیاتر بۆ هەرێم دەگەڕێتەوە، خۆ ئەگەر فرۆشتنی نەوت لە ڕێی سۆمۆوە، بگاتە 400 هەزار بەرمیلی سەردەمی حکومەتی هەرێم، مانگانە، بەبێ داهاتی نانەوتی، تەنها لەڕێی فرۆشتنی نەوت بودجەی کوردستان دابیندەکرێت.
داتاکانی نەوتی کوردستان خەڵک شۆک دەکات
ئەگەرچی لەماوەکانی ڕابردوودا حکومەتی هەرێم هیچ داهات و بڕێکی هەناردەی نەوتی هەرێمی ڕانەدەگەیاند، بەڵام کۆمپانیای سۆمۆ، دواجار وردودرشتی فرۆشتنی نەوتی کوردستانی ئاشکراکرد.
No Comment! Be the first one.